Is Pregadorias antigas: su signo de sa devozioni - Provincia del ...

Comune di Villanovafranca
Pregadoria 961
De Crésia mi ndi andu
e a Deus mi arracumandu
e a sa Vírgini Maria
no isciu chi torri bia
no isciu chi torri morta
s’ànima mia chi siat arragorta.
Pregadoria de su noti 962
Dèu mi ndi andu a sa sepoltura,
de mi ndi pesai non seu segura
e, si mi ndi pesu, no isciu aundi andu.
S’ànima a Deus m’arrecumandu,
a Deus e a Nostra Sennora
chi mi sarvit in cust’ora;
in cust’ora e in custu momentu
siat laudau su santíssimu
e diviníssimu Sacramentu.
S’Ave Maria 963
Deus ti sarvit, Maria,
prena de gràtzia,
su Sinniori est cun tegus;
benedita ses tui tra totus is féminas
e beneditu est su frutu
de is intrànnias tuas, Gesús.
Santa Maria mamma de Deus,
pregai po nosàterus pecadoris,
immoi e in s’ora de sa morti nostra.
Amen, Gesu.
Laudau sempri siat
su nòmini de Gesús e de Maria,
su nòmini de Gesús e de Maria.
Laudeus prus e prus
su nòmini de Maria e de Gesús,
su nòmini de Maria e de Gesús.
Sa mesa de su Sinniori 964
Sa mesa de su Sinniori
po mei est apariciada
de àngelus ingiriada,
de àngelus po dh’arricí.
Diciosa cudha dí
ca s’ànima mia at a èssi límpia e pura
po andai a sa sigura,
a sa sigura e chene ingannu.
Non ci at istadu prus mannu,
istadu de nobbilesa,
su mi biri in custa mesa
sagrada de su celu.
Gesús, amorosu e bellu,
non mi abbastat su coru
de arricí custu tesoru,
custu tesoru chi mi donas.
Poita non mi perdonas
e mi límpias in d-unu totu
cun custu coru devotu
chi tui mi as donau?
Sinniori, tui innòi mi as bitiu
sa fidi, sa sperantza,
sa caridadi e s’amori.
Ti bobia biri, o beatu Sinniori,
in su celu apusti morta.
Donaimí doloris fortis
de sufrí custus pecaus.
Arrinuncint is cojaus
a is interessus de su mundu.
Amori miu prufundu,
candu mi nci abbisitas
totu su coru mi cicas
ca bollis a ti dh’oferri.
Totus is portas s’ant a aberri,
totus is portas de su celu.
Mi ndi pentu, mi ndi pentu
ca apu tentu su pecau.
Sa paristòria de Sant’Isidoru 965
Sant’Isidoru fiat de matria
e de famíllia pitia
645