Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
Siat sa conca sua fideli
Acusada de ribbelli
Cun emiu de terrori [?].
Sera est sola...
Miràculus de tantu in tantu
Ti declaras portentosa
Sendu de Gesús isposa
Ses sa nosta grória e vantu,
Disterra sa pena e plantu
De su tristu pecadori.
Sera est sola...
Is grandesas de Maria 409
Alabit Maria
Chini sentza velu
Dha bit in su Celu
Cun dulci armonia.
Maria, ses lillu
De puru candori,
Ch’inflammas de amori
Su Verbu tuu Fillu.
De luxi divina
Ses nóbbili aurora,
Su soli ti adorat,
Sa luna s’inchinat.
Cun pei potenti
Tui premis s’antigu
Superbu inimigu
Malignu serpenti.
Is paràulas de Santu Martinu 410
Chi ses Martinu, de paràulas bonas mi ndi
as a nai una.
Una luxit prus su soli de sa luna
Duas funt is tàulas de Moisè, Deus lei,
de su Babbu, de su Fillu e de s’Ispíridu
santu, amen.
345
Tres funt is tres Marias
Cuatru funt is cuatru evangelistas
Cincu funt is cincu liagas
Ses funt is ses cereus
Seti funt is seti donus
Otu funt is otu corus
Noi funt is noi ordinamentus
Dexi funt is dexi cumandamentus
Úndixi funt is úndixi milla vírginis
Doxi funt is doxi apòstulus
Trexi… custu no est lexi, no est lei, s’aremigu
fatzat centumilla passus foras de mei.
Pregadoria ainnantis de cunfessai 411
Mi cunfessu a Deus Onnipotenti,
A sa biada vírgini Maria
E a bosu Babbu miu ispirituali
Chi apu pecau,
Donaimí sa sciollatzioni
E sa peniténtzia cumenti menèsciu.
Pregadoria a s’àngiulu de su Sinniori 412
Àngiulu de su Sinniori, chi ses guàrdia mia
po órdini de sa piedadosa providéntzia
de Deus,
castiamí in dí de oi, illúmina
s’intendimentu miu,
régula is afetus mius e guverna
is sentidus mius,
po chi no ofenda su Sinniori miu,
e aici siat!
Pregadoria apustis de sa cunfessioni 413
Cantu seis istétiu bonu cun mei, o Sinniori!
invecis de mi castigai po totu is
pecaus chi apu cummítiu, mi dhus eis
perdonaus cun infinida misericórdia in
custa santa cunfessioni.