Is Pregadorias antigas: su signo de sa devozioni - Provincia del ...

450
Gòcius de S. Giusepi 648
Patriarca poderosu
De privilégius dotau,
In morti veru abbogau,
De Maria Giusepi isposu.
Est sa tua discendéntzia
De patriarcas antigus,
De Deus is prus amigus
Po sa pronta ubbidiéntzia,
Guvernas s’Onnipoténtzia
Cun modu meravigliosu.
In morti...
Felicíssimu consorti
De sa Vírgini Maria,
Bellíssima cumpangia
In su puntu de sa morti,
Patrocíniu su prus forti
In cuss’istadu penosu.
In morti...
De is gràtzias ses arcivu
De cudhu amori divinu,
Ses ghia e veru caminu
De connosci a Deus vivu,
In angústias lenitivu,
In sa pena donas gosu.
In morti...
Erodes, rei potenti,
Púbblicat comandu forti
Bolendu donai morti
A Gesús Onnipotenti:
Per àngelus prontamenti
Giusepi est notitziosu.
In morti ....
Giusepi sentza de ghia
Partit de noti improvisu
Apenas tentu s’avisu,
Cun sa Vírgini Maria,
IS PREGADORIAS ANTIGAS - SU SIGNU DE SA DEVOTZIONI
Gesús Fillu in cumpangia
In caminu disastrosu.
In morti ....
Sentza de cumbeniéntzia
Cun s’ànimu meda aflitu
Partit de prontu in s’Egitu
Cun s’eterna sapiéntzia
E Maria in passiéntzia
Sufrit cuntentu e gustosu.
In morti ....
A tanti ses arribbau
De tenni in terra guvernu,
Su divinu Verbu Eternu
Che babbu dh’as cumandau,
De su própriu venerau
In modu prus rispetosu.
In morti ....
In vida tenis afannus
Guvernendu su Messia
E sa mamina Maria
In su spàtziu de tant’annus,
In sa terra de ingannus
Su prus passientziosu.
In morti ....
In sa divina preséntzia
Tenis postu singolari,
Cun domu particulari
Donas a totus assisténtzia,
Sa incarnada sapiéntzia
Ti fait su prus diciosu.
In morti ....
Tenis tanta distintzioni
In is santus de sa glória,
Sa sola umana memória
Mancat in relatzioni,
Sa tua perfetzioni
Toda scit Deus poderosu.
In morti ....