Is Pregadorias antigas: su signo de sa devozioni - Provincia del ...

132
Candu sonat sa campana de su éspuru 181
Vespru in celu, vespru in terra,
dogn’ànima ndi essat de pena,
dogn’ànima batiada
siat isciolta e pedronada.
Cògius de sa Vírgini Maria Assunta
in su celu 182
Afestada su 15 de Austu
Cun festosa allegria
De is àngelus presentada
A su celu est artziada
Sa puríssima Maria.
Sovrana ecelsa reina
De Deus intronizada
Cun grandesa peregrina
Prus de totus esaltada
Sa prus digna e venerada
De sa celesti gerarchia.
O divina imperadora
Ti onoraus sovrana
De amori ses funtana
De is ànimas sa dimora
Assistinosí in dogn’ora
Mamma de sabidoria.
In su tronu ingiriada
Ant is àngelus Maria
De is màrtiris sa ghia
Cun is santus invocada
In sa terra afestada
Cun gosu e armonia.
In s’altari collocada
Benit posta in sa letera
Cuncordada de sa cera
Eus sa divina sagrada
Po chi siat ascurtada
Sa divota pregadoria.
IS PREGADORIAS ANTIGAS - SU SIGNU DE SA DEVOTZIONI
De cussu eternu tesoru
Clara istella luxenti
A custa amada genti
Chi bos intregat su coru
De is preghieras insoru
Siais luxi e segura via.
Cun insignas e votus
Suplicaus cun umilidadi
Chi doneis a is divotus
Sa saludi e s’onestadi
Po cantai in s’eternidadi
Ógnia santa litania.
De Saròn ses ornamentu
In su Carmelu decoru
Seis paxi po su coru
De s’ànima su cuntentu
Libberai de su turmentu
S’ómini in agonia.
Maria consoladora,
Seis mamma universali
Salvainosí de mali
O soberana Signora,
A su letu in s’últim’ora
Siais presenti, o Maria.
Cun festosa allegria
De is àngelus presentada
A su celu est artziada
Sa puríssima Maria.
Gòcius de sa gloriosa
Vírgini e Màrtiri S. Severa 183
De Gesús vera Isposa
In is celus sublimada,
Siast po nosu abbogada
Vera màrtiri gloriosa!
1. De pipia as cunsagrau
S’amori tuu ardenti