Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
aspetau s’Isposa Bosta, ainantis ancoras chi nascessit? Chini descriri podit, cun cali
suavidadi, e fortza dh’estis rapida in su primu istanti de sa Cuncetzioni sua, e in cali
misteriosa abbitatzioni de s’amori bostu preparada dh’estis introdúsia, e cun cali corona
comenti a predileta Isposa bosta dh’estis onorada? Ma forsis non est aici o Divinu
Isposu de sa Mamma de Deus? Forsis tropu tardu de sa glória Bosta bosi movestis
po incontrai a Maria, e prus sollítzitu de Bosu s’infernali serpenti arribbau fiat a
manciai sa predileta abbitatzioni Bosta? E bosu dh’estis sunfriu? Non festis Bosu
insandus cudhu Signori chi est infinitamenti gelosu de s’onori suu? Ah Citi o pentzamentu
de is mortalis! S’Ispíritu Santu ritardu non ammitit in su perfetzionai is òperas
Suas insaras candu momentu est arribbau. Ah! Seus nosàterus, seu dèu chi ritardu de
dí in dí a m’arrèndiri a is salutaris operatzionis Bostas o Divinu Ispíritu! Bosu mi
sugereis chi depu reprímiri cudha inchietúdini, e dèu Bos arrespundu: Cras dh’apu a
fai. Chi depu lassai cudha supérbia: Cras dh’apu a fai. Chi depu abbandonai cudhas
vanidadis, chi depu cumpliri cudhu sacrifítziu: Cras dh’apu a fai. Intantu custu cras
non benit mai, e sa vida mia bandat sèmpiri prus acostendusí a s’Inferru. Ma poita
ànima mia cras, e non oi? Poita no in custu própriu momentu? O Ispíritu potentíssimu!
Fortzai deh! ancoras Bosu s’indómita voluntadi nostra.
Un Pater, tre Ave, un Gloria.
Oratzioni a Maria Immaculada
Puríssima Vergini Maria! Dèu adoru su misteriosu isposalítziu cun su cali s’Ispíritu
Santu declarandusí Isposu bostu finas de s’eternidadi bosi fait vera Isposa sua in su
tempus. Cun ispantu ammiru s’abbissu de sa soberana grandesa e ca custu títulu
gloriosu gloriosu bosi sullevat, e mi persuadu, chi non seis istétia isposa solamenti
candu s’Ispíritu Santu cumpliu at in Bosu s’Incarnatzioni de su Verbu Eternu, ma
ancoras finas de su primu instanti de s’èssiri Bostu mentras sendu a Bosu cumbenienti
su cuntzebiri ispiritualmenti su Fillu de Deus ainantis de dhu cuntzebiri corporalmenti,
dh’estis cuntzebiu in su coru bostu prevénia de s’Ispíritu Santu finas de
cussu primu instanti. Si dh’estis cuntzebiu conoscenduridhu cun sa fidi sa prus
viva, cunfiendu in Issu, cun sa Sperantza sa prus firma amenduridhu cun sa prus
ardenti caridadi.
Finas de su primu instanti duncas seis istétia Isposa, e mancai s’Isposa siat inferiori a
s’Isposu, nienti de mancu tenit cun Issu grandus tratus de uguagliantza, e tali íntima
unioni chi sunt duus in d-unu própriu Ispíritu. Oh! Mistériu chi tenit in Bosu su
cumplimentu su prus bellu! S’Ispíritu Santu bosi fait totu sua: issu est in Bosu, e
Bosu totu in Issu in modu tantu sublimi, chi seis casi una própria cosa cun Issu, e in
tali manera finas de su primu instanti bosi preparat a cuntzebiri una dí cudhu, chi est
s’aspetatzioni de is natzionis, sa glória de Israele, su suspirau de is pópulus, su Verbu
Eternu Oh! Isposa oh! Abbissu de puresa e santidadi! Oh dignidadi! Oh Glória! Comenti
duncas podit èssiri innòi idea de culpa? Cali cumbinatzioni de tanti luxi cun is
tènebras? De s’Ispíritu Santu cun su Spíritu Infernali? Ah! Seus nosàterus, chi medas
bortas combinai bolleus estremus tanti diversus: una dí cun Deus, un’àtera cun su
mundu, unu tempus cun sa gràtzia, un’àtera cun su pecau: oh! Tzurpedadi! Bolleus
559