Is Pregadorias antigas: su signo de sa devozioni - Provincia del ...

318
Statzioni VIII
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
IS PREGADORIAS ANTIGAS - SU SIGNU DE SA DEVOTZIONI
In custa otava statzioni si rapresentat su logu aundi Gesús consolat is féminas de
Gerusalemmi.
Cunsidera, ànima cristiana, cun cali benignidadi Gesús fuedhat a cussas féminas, e
cumenti dhas consolat narendu chi non prangessint po issu, mortu po sèi etotu e po is
fillus insoru. E tui, ànima cristiana, poita non prangis, endu tantis bortas oféndiu a
Gesús chi tanti ti at amau, prostrada duncas a peis suus nara cun su coru pentiu: Redentori
de s’ànima mia, poita custu duru coru miu non si cummovit pentzendu a is penas de
Bosu sufrias? Làgrimas duncas de veru pentimentu bosi domandu, o Signori, po chi
cun is làgrimas in is ogus e dolori in su coru menèscia cudha cumpassioni chi estis
mostrau a cussas féminas, po mi assegurai sa piedadi bosta in custa vida e in s’àtera.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
? mater fons amoris
me sentire vim doloris
fac ut tecum lugeam.
Statzioni IX
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa nona statzioni si rapresentat su logu aundi Gesús arruit po sa tertza borta
asuta de sa gruxi.
Cunsidera, ànima cristiana, su dolori ch’iat provau Gesús essendu arrutu po sa tertza
borta asuta de sa pesanti gruxi. Mira cun cali crudelidadi dhu tratant cussus pérfidus
sbirrus, antziosus de biri mortu cantu prus innantis su bonu Gesús. Deh! prostrau a
peis de su Rei de sa glória fai cust’oratzioni: Mansuetíssimu Gesús miu, mancai bosi
bia arrutu in terra, si cunfessu onnipotenti. Deh! o Gesús, Deus onnipotenti, chi cun
d-una sola paràula estis creau de su nienti totu s’universu, cunvertei custu coru aici
duru, in d-unu coru úmili e plenu de amori po Bosu.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Sancta mater istud agas?
cricifixifige plagas
cordi meo valide