Is Pregadorias antigas: su signo de sa devozioni - Provincia del ...

Comune di Ussaramanna
9. Cun prodígius surprendentis
Ti at s’eterna magestadi
Esaltau sa santidadi
Non curada de is potentis;
is pópulus riverentis
ti aclamant prodigiosu.
Intercedi…
10. Su corpus mortificau
De tanta umiliatzioni
Salvu ‘e dogna corrutzioni
Vivu e interu est cunservau
In Madriddi venerau
In santuàriu pretziosu
Intercedi…
11. O fideli osservadori
De su divinu Evangelu,
prega po nosu in su Celu
Su Divinu Salvadori;
de is messajus protetori
prega po totus piedosu.
Intercedi…
12. Imploranosí de Deus
Donus de gràtzia divina
Ch’in custa vida mischina
De bonus fillus dh’ameus
Cun tui sempri dhu goseus
In su regnu aventurosu.
Intercedi…
Cògius po su mesi marianu 745
Cun duplicada allegria
Bos lamat su pecadori;
pregheus cun prus fervori
in custu mesi a Maria.
12) In custu mesi de floris,
chi a Bosu est dedicau,
totu bellu e adornau
de vivíssimis odoris;
si tribbutaus onoris
cun dulci e santa armonia.
Pregheus…
13) Mesi su prus giucundu,
mesi de floris cuntentu,
mesi chi tui as otentu:
sa bellesa de su mundu,
su paradisu segundu,
sa mística rosa floria.
Pregheus…
14) Mística rosa incarnada
de celu e terra grandesa,
o prodigiosa bellesa
de floris totu adornada,
càusa de summa allegria.
Pregheus…
15) Rosa de suavi odori
Seis bosu, o bella Maria,
po imparu e nostra ghia
mandada de su Creadori
po chi tengat su pecadori
arma de deféntzia.
Pregheus…
16) Est su mesi marianu
De Maria una figura
Est cuntentesa e dultzura
De dogna cristianu
Corona de eterna manu
De istellas arrichia.
Pregheus…
17) De totus seis aclamada
O càndida Columba pura,
dogna umana creatura
in bosu est cunfiada,
a peis bostus prostrada
cun ànima forti pentia.
Pregheus…
513