Is Pregadorias antigas: su signo de sa devozioni - Provincia del ...

416
Reina de sa Solidadi 585
Reina de sa Solidadi,
Regina mia de sa Solidadi,
sa Bosta umilidadi
si fatzat cumpangia.
Nostra Signora mia de sa ghia
a innoi seis andendi?
A serbiri a Deus.
Oh! Ita fillus malus chi seus
ca Dh’eus crucifissau
de ispinas coronau
coronau Dh’ant is Giudeus
a unu verdaderu Deus
Dh’ant sententziau a morti
cun musas e cadenas fortis
de s’ortu ndi Dh’ant bogau
Giudas dh’at abbratzau
e is Giudeus tirànt
cun lantzas e ispadas
Dhi donànt atzapuladas
chi arruiat a faci in terra
cumenti a sodrau de gherra
Dhi sonànt sa trumbita
sa Mama sua in circa
totu sa noti prangendu
suspiru e suspirendu
suspirus de su coru.
Biu m’eis su Tesoru?
Biu Dh’eis a Fillu miu?
Mannu siat o pitiu
nd’at a tenni de grória.
Nerit, Signora mia,
ita figura portàt
si fut cavalieri de ispada
unu innòi ndi at passau
de is Giudeus malatratau
chi luxiat prus de su soli.
E Cussu fiat Fillu miu Creadori
IS PREGADORIAS ANTIGAS - SU SIGNU DE SA DEVOTZIONI
giai chi Dhu portànt is Giudeus
Issu fiat Fillu miu Deus.
A morri mi Dhu porteri
de bistiri Dh’ispolleri
a sa colunna acapiau.
Sa Mama benit a passai
Dhi tzérriat: “Istella clara e luminosa
gei nd’at tentu de piedadi!”.
Deus Ti salvit, Maria,
Regina de sa Solidadi.
Sant’Anna e Santa Rita 586
Sant’Anna e Santa Rita
si nci mandu su coru
cun d-una mela iscrita
portat corona ’e òru
cun d-una mela iscrita
dha depis regalai
cun d-una mela iscrita
su coru s’apu a mandai.
Santa Bàrbara e Santu Giacu 587
Santa Bàrbara e Santu Giacu,
bosu portais is crais de lampu,
bosu portais is crais de celu,
non tocheis a fillu allenu
ne in domu ne in su sartu.
Santa Bàrbara e Santu Giacu.
Santa Maria, Mama de Deus 588
Pregai po nosàterus pecadoris
immui e in s’ora de sa morti. Aici siat.