Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Meditatzioni
Amori de Gesús po nosàterus in sa Comunioni. Considera, ànima mia sa teneresa de cust’amori:
su fini de cust’amori àteru no est istétiu, si non chi nosàterus forméssimus unu solu coru
de su nostru, e de su Coru de Gesús, medianti sa comunicatzioni de sa gràtzia sua. Ma custu
istupendu amori de Gesús, est de nosàterus corrispostu in algunu modu?
Comenti s’ànima nosta arricit in sa Comunioni su Deus de su coru suu, e su Coru de su
Deus suu? Acostendusí a sa Comunioni est su coru nostru chi fuedhat a Gesús, o est sa
língua sentza de su coru? Cali est s’aparíciu po dh’arreciri, calis sunt is atus chi acumpàngiant
sa fidi nosta candu dh’arriceus? E pustis chi cun sorti fortunada dh’eus arriciu calis
sunt is atus de ringratziamentu e de amori? Calis sunt is efetus chi provaus nosàterus de su
miglioramentu de sa vida chi solit prodúsiri sa comunioni bèni fata? Su coru nostru at
depostu dogna ostàculu po chi siat oferta digna de su Coru de Gesús? O veramenti seus
ancora afetzionaus a su mundu, sentza ndi ai bogau de su coru dogna cosa, chi po nosàterus
fiat motivu de pecau? Sentza de ai abbandonau s’amori própriu, s’istima de is creaturas
mundanas, e is comodidadis de sa vida? Rifletaus unu pagu, e penseus.
Ah! amabbilíssimu Gesús miu agiudainosí cun su poderi de sa gràtzia bosta a superai
dogna ostàculu chi nosi disturbit de uniri a su nostru su Coru bostu. Distacai bosu de
dogna cosa terrena is corus nostrus, de manera chi arricenduosí nosàterus in su Sacramentu,
nienti bosu incontreis chi non siat dignu de su divinu amori bostu, totu
antzis cuncúrgiat a fai de nosàterus un’altari dignu de bosu, e de su cali siant s’ornamentu
e s’isplendori is floris de sa puresa, de sa mansuetúdini, de s’umilidadi, e is
atus sublimis de sa prus perfeta e ardentíssima caridadi; e in tali manera su Coru
bostu at a èssiri cuntentu de s’amori chi nosàterus dhi professaus, e is corus nostrus
ant a isperimentai sa bella paxi de is ànimas giustas, e ant a tènniri firma s’isperantza
de èssiri unius cun bosu eternamenti in sa glória. Aici siat.
Un Pater, e cinque Gloria.
Cuarta dí
Coru Sacratíssimu de su Redentori miu Gesugristu. Bosu seis su Coru su prus amàbbili:
unu Coru infinitamenti amàbbili non solamenti po is perfetzionis naturalis chi
possideis in summu gradu, poita seis su Coru prus dultzi, prus cumpassivu, prus
téneru, prus generosu, prus apassionau; ma meda prus ancoras, po totus is gràtzias, e
po totus is donus divinus, chi sunt inserraus in bosu: a motivu chi si nd’incontrant
totus is Àngelus, in totus is Santus, in totus is giustus, e fintzas in sa própria Mamma
bosta Maria Santíssima, essendu bosu sa própria perfetzioni infinita, Bosu seis su
Coru su prus amàbbili, poita seis su printzípiu, su fonti de is gràtzias de undi su
pecadori isperat su perdonu de is culpas, su giustu, sa fortalesa in is tentatzionis, sa
luxi in is dudas, sa consolatzioni in s’amargura, e in is pecaus. Bosu seis infinitamenti
amàbbili poita cunteneis totu su chi sa glória tenit de prus magníficu, totu su chi sa
Divinidadi tenit de prus piedosu, e benignu. Bosu seis infinitamenti amàbbili, poita
amais a nosàterus cun d-un’amori infinitu: amori chi po soddisfai su dépidu de is
pecaus nostrus, bos at fatu sunfriri tantus patimentus, e acabbai s’últimu respiru in su
truncu de sa gruxi: amori chi andat in circa de tantus corus inícuus, po arreciri cun
569