Is Pregadorias antigas: su signo de sa devozioni - Provincia del ...

Comune di Siddi (Sidhi)
Unu santu est protetori
Una gràtzia po alcantzai,
Giusepi si podit nai
De gràtzias dispensadori,
In Deus restit s’onori
Prus [?] cumandu imperiosu.
In morti ....
Sa umana intelligéntzia
Tengat presenti sa sorti,
Chi Giusepi at tentu in sa morti
Sa santíssima assisténtzia
De s’isposa, e sa preséntzia
De Gesús, Fillu amorosu.
In morti ....
De Giusepi no est bastanti,
Podeus nai prus e prus:
Santa Teresa de Gesús,
Devota sa prus costanti,
Issa est chi at iscritu tanti
In d-unu líbberu famosu.
In morti ....
Patriarca poderosu,
De privilégius dotau,
In morti veru abbogau,
De Maria Giusepi isposu.
Gòcius de sa Resurretzioni de Gesugristu 649
Regina Coeli 650
Noles amplius lacrimare
gaude Virgo Maria,
Regina Coeli laetare
Alleluja y allegria.
Quem meruisti portare
candu dhu pighesint in s’ortu
dis innantis fiat mortu
bollendu oi risuscitai,
endu bófiu efetuai
su chi narat sa profetzia.
Resurrexit sicut dixit
su Domingu a mengianu,
Maddalena illum vidit
in figura de ortolanu,
cun sa bandera in manu
serbendu a is Santus po ghia.
Pro nobis Deum et ora
in s’altura celestiali,
in su mundu Alta Signora,
rimédiu de ógnia mali,
sa gràtzia immortali
implora de su Messia.
Andant de bonu mengianu
sa Giacobbe cun Salomèe,
portendu aromas in manu
po úngiri s’Altu Rèe,
meditendi inter sèe
cudha morti e agonia.
Apena sunt arribbadas
a sa santa sepoltura,
restant meda ispantadas
osservendu tanta clarura,
non prus pena ne tristura
narat s’Àngelu a Maria.
S’Àngelu dhis aiat nau:
“Signoras, a chini circais?
Si a Cristu sepultau,
innòi no dh’agatais.
Resurrexit, no prangiais,
non prus pena ne agonia.
Gesugristu Nazarenu
in Galilea est andau
e de gràtzias totu plenu
oi est risuscitau:
naraidhu a Perdu amau
si ancora non dhu sciat.
451