Is Pregadorias antigas: su signo de sa devozioni - Provincia del ...

534
T’adorat, o biancu lillu,
Riunit prontu su Contzillu
E sentza mància ni pecau
Solennementi at declarau
Maria sèmpiri intemerada,
Risplendenti bell’aurora,
Maria luna mai eclissada,
Piedosa Mamma invocada
IS PREGADORIAS ANTIGAS - SU SIGNU DE SA DEVOTZIONI
De aflitus consoladora,
Tui proteginosí in s’ora
De vida prus afannada.
Su dolori sa tristura
De sa genti desolada
Spargi de santa dultzura,
Maria, sèmpiri immaculada.
Modu de resai su rosàriu de sa Vírgini Santíssima de is seti doloris 790
Ego Mater pulchra dilictionis... et sancta spei. 1° Ecclesiastico 24. 24.
Qui me invenerit, inveniet vitam, et hauriet salutem a Domino. Prov. 8. 35.
Vergine Santissima del suffragio Villacidro MDCCCXVII.
Modu de resai su Rosàriu de sa Vírgini Santíssima de is Setis Doloris.
Per signum † Sancta Crucis. De inimicis nostris. Libera nos Domine † Deus Noster.
In nomine Patris, et filii † et Spritus Sancti. Amen.
Siat po sèmpiri alabau in su Santíssimu Sacramentu de s’Altari, e sa puríssima Cuncetzioni
de Maria Santíssima Mama de Deus, e Segnora Nosta, cuncepida sentza mància
de pecau originali desde su primu instanti de su èssiri suu físicu, e reali. Aici siat.
Atu de Contritzioni
Crucificau Deus, e Segnori miu, si is culpas e pecaus mius sunt istétius sa càusa de
is liagas, e morti bosta, e de is penas e doloris de s’afligidíssima Mama Bosta,
raxoni est chi déu cun totu su coru detesti is pecaus mius, comenti summamenti
dhus abburrèsciu, po èssiri ofensas de unu Deus infinitamenti bonu; e aici comenti
elígiu morri innantis mila bortas, che ofendiriosí una sola borta, aici mi afligit, e mi
pentu de non s’ai amau.
Acetai, crucificau Bèni miu, custu piticu Dolori, uniu a is chi Bosu eis patiu po mei in
sa Gruxi, e a is chi at sunfriu a su pei de issa sa desconsoladíssima Mama Bosta, e
Abbogada de pecadoris, Maria. Bosi súplicu po is penas suas, e po is méritus infinitus
de su Sànguini Bostu, chi mi perdoneis totus is pecaus mius, e mi doneis Gràtzia
de mi emendai e perseverai fintzas a sa morti in su Santu Serbítziu Bostu. Aici siat.
Oratzioni
Vírgini sentza màcula, Mama de Piedadi plena de Amargura in sa soledadi Bosta, cun
rendimentu de su coru miu bosi súplicu, illumineis s’intendimentu miu, e incendais
sa voluntadi mia, po chi cun ispíritu fervorosu e cumpassivu cuntempli is doloris chi
si proponint in custu Santu Rosàriu, e chi potza cunsighiri is Gràtzias, e favoris promítius
a is chi si ocupant in custu tanti Santu e Devotu Esercítziu. Aici siat.