Is Pregadorias antigas: su signo de sa devozioni - Provincia del ...

346
Ancora mi ndi pentu cun totu su coru e
promitu, cun s’agiudu de sa gràtzia bosta,
de no s’ofèndiri mai prus e de cumpensai
cun símili amori is ofesas chi bos
apu fatu in totu sa vida mia. Vírgini
Santíssima, Àngelus e Santus de su
celu, bosi ringràtziu de s’assisténtzia
bosta e bosàterus puru ringratziai su
Sinniori de sa misericórdia sua e oteneimí
de perseverai e avantzai in su
bèni. In is tentatzionis no s’iscarèsciat
de invocai s’agiudu divinu narendu:
Gesús miu, agiudaimí e donaimí sa gràtzia
de no s’ofèndiri mai prus.
Pregadoria de fai primu de si corcai 414
Dèu mi nc’intru in custa sepoltura,
de mi ndi pesai no seu segura,
tres cosas a Deus depu pedí:
Cunfessioni, cumenioni e ollusantu.
Sempri siat alabau, su Babbu, su Fillu
e s’Ispíridu Santu. Aici siat.
Mi fatzu sa gruxi, sa gruxi vera,
Santu Milanu e sa Maddalena,
Santa Sera e sa Trinidadi,
Is doxi apòstulus síanta fradis,
fradis nostus is doxi apòstulus,
síanta perdonaus is pecaus nostus.
In nòmini de su Babbu, de su Fillu,
e de s’Ispíridu Santu. Aici siat.
Àngiulu miu consoladori,
ses mandau de su Sinniori
po mi fai cumpangia
finas a s’ora de sa morti.
Gesús miu ita bella sorti
su tenni s’àngiulu de sa grória:
eus a binci sa vitória
de iscaciai sa tentatzioni.
In nòmini de su Babbu, de su Fillu
e de s’Ispíridu Santu. Aici siat.
IS PREGADORIAS ANTIGAS - SU SIGNU DE SA DEVOTZIONI
Pregadoria de sa cenàbara santa 415
Pibiredhu, pibiredhu,
Ita portas in s’iscartedhu?
Ollusantu batiau, batiau in sa novena,
Avi Maria de gràtzia prena.
Candu si saludat cudha cadenia
Insaras is Santus si ponint in bia.
A innoi ses andendu, Nosta Sennora?
Dèu seu andendi monti monti.
Una cruxi de òru portais in fronti
Una cruxi de òru depeis portai.
Chi mi bolleis lassai passai
Ca bandu a tocai is campanas de mari!
Baxi e tochedhas cun bonu dolori!
Berus est chi est mortu su nostu Sinniori?
Issu gei est berus chi est mortu e interrau.
Una litaredha chi mi ant imbiau
Una litaredha iscrita de su celu:
Prangei pena ca est partiu Deus,
Prangei pena ca est partiu unu Santu.
Pregadoria de su primu mengianu 416
Custa est sa luxi po sa vera gruxi,
custu est su soli po su Sinniori,
custu est su bentu po su Sacramentu.
Dèu mi bistu sa camisa
laudendu a Gesugristu,
Gesugristu est babbu miu,
Nosta Sennora est mamma mia
Santu Giuanni m’est padrinu,
issu mi pongat in bonu camminu,
Su Babbu eternu mi siat guvernu,
s’Ispíritu Santu no mi siat de mancu,
assistat a mimi e a totu su mundu e aici siat.
Pregadoria po candu fadiat tempus malu 417
Santa Bàrbara e santu Giacu,
bosu portais is crais de lampu,
bosu portais is crais de celu,