Is Pregadorias antigas: su signo de sa devozioni - Provincia del ...

378
E cuntentai is disígius
De dogn’ànima afetuosa!
O de is àcuas, ecc.
Cun cust’àcua dogna mali
Curais bosu prontamenti,
Chi de is gràtzias seis canali,
De saludi seis sorgenti,
E de Deus onnipotenti
Seis Mamma Filla e Isposa!
O de is àcuas, ecc.
Cun sperantza e cun coràgiu,
Su malàdiu cristianu
Benit po longu viàgiu
De su monti e de su planu,
Ma torrat in totu sanu
A sa domu sua penosa.
O de is àcuas, ecc.
Chini patit custa provit
Noa probbàtica piscina
Aundi abàsciat e chi movit
De is Àngelus sa Reina.
Oh! infallíbbili mexina
Est cust’àcua pretziosa!
O de is àcuas, ecc.
Paralíticu mischinu,
Chi non gosas paxi mai
Beni puru, o indoloriu,
In cust’àcua a ti bagnai
Chi saludi a ti donai
Est Maria disigiosa.
O de is àcuas, ecc.
Innòi bècius e pipiedhus
Sanidadi ant incontrau,
Innòi lassat is bacedhus
Su tzopu, s’istrupiau
E su leprosu est mundau
De sa lepra dolorosa.
O de is àcuas, ecc.
IS PREGADORIAS ANTIGAS - SU SIGNU DE SA DEVOTZIONI
De cust’àcua po is devotus
Est Maria sa patrona:
Dhu narat is millis votus
Chi ti fàinti corona
Cantu custa Mamma bona
Est po is fillus premurosa.
O de is àcuas, ecc.
Atzendei de santa fiamma
Is corus chi protegeis:
Bosu vera nostra Mamma
Mostraiosí cali seis;
Bosu, amanti, nosi ghieis
In custa vida penosa.
O de is àcuas, ecc.
O Maria, constituida
Seis saludi de is mortalis!
Bosu s’ànima pentida
Salvai de tantis malis:
In is àcuas celestialis
Rendeidha gloriosa.
O de is àcuas, ecc.
Ora Santa suspirada,
Ora ‘e gosu po su coru,
Maria incoronada
Ses cun corona de òru:
Su prus nóbbili tesoru,
Sa prenda prus pretziosa.
O de is àcuas, ecc.
Su pastori Diocesanu
De Parma a nosu mandau
Custu símbolu galanu
A sa Vírgini at donau;
Cun Issa s’est allirgau
In cust’ora radiosa.
O de is àcuas, ecc.
A s’obispu de Arborea
Est tocau su grandu onori
De donai a sa Nazarea
Custu signu de onori;