Is Pregadorias antigas: su signo de sa devozioni - Provincia del ...

Comune di Samassi
sèmpiri a Bosu? Agiudaimí, o Babbu celestiali, a dhu fai sintzeramenti e interamenti,
po chi Bosu non siais obbligau a mi refudai.
Unu Babbunostu, tres Ave Marias, unu Gloria Patri.
Oratzioni a Maria Santíssima
Santíssima Vírgini Maria! Bosu inserrenduosí in su Templu de Gerusalemmi pensais
de abbarrai po sèmpiri in custu sagrau retiru, comenti columba ocultada in is istampus
de sa mística perda, comenti túrturi amorosa arregorta in su místicu niu. Ma o
cantu diversamenti depit èssiri po is adoraus decretus de su Celu! Bosu eis a bessiri
foras de cussus sagraus murus, Bosu eis a cumpàrriri cortegiada de is Àngiulus e de
is Óminis in sa gruta de Betlèm po unu Fillu Divinu, Bosu po custu Fillu eis a torrai
a custu Templu benedita e addolorada; Bosu in esíliu in s’Egitu po salvai custu Fillu
de sa morti, Bosu po Issu in s’oscuridadi de sa vida privada in Nàzaret, Bosu cun Issu
in giru po sa Palestina in is trabballus de sa vida púbblica; bosu aclamada po beata de
innumeràbbilis turbas; Bosu in is alturas de su Calvàriu trafita de dolori e ogetu de
maravíglia e de immensa piedadi a totus is generatzionis; e de nou in s’oscuridadi de
sa solitúdini, e in capu a sa corona de is Apòstolus e in sa glória de su esaltamentu
asuba de totus is creaturas, fata Reina de su Celu e de sa Terra. De cosas tantu mannas
chi Bosi fíanta reservadas, nienti connosciais a su intrai in is sagraus murus de su
Templu. Ma totus custus mistérius sunti cunténnius coment’e in compéndiu in sa
intera oferta chi feis de Bosu a su Segnori, cun sa cali dhi nais in sustàntzia comenti
dhi at a nai su Divinu Fillu Bostu in su princípiu de sa mortali vida Sua: in capu a su
libbru tengu iscritu chi àteru no apu a fai, o Deus miu, che sa voluntadi Bosta
(Psalm.39.11). Custa oferta Bosi portat de mistériu in mistériu, de maravíglia in maravíglia,
de luxi in luxi. O Maria! conduseinosí cun Bosu a Gesús, in su Templu e in su
desertu, in sa gruta e in su Calvàriu, in is penas e in is allegrias, in sa vida e in sa morti,
in s’esíliu e in sa pàtria; e fei chi mai nosi separeus de Bosu e de Gesús in eternu.
Unu Babbunostu, tres Ave Marias, unu Gloria Patri.
Cuinta di
Maria inserrendusí e consagrendusí in su Templu po totu sa vida Sua, intendit cun
custu renuntziai a s’onori de èssiri una dí Mamma in Israeli e de arrichiri cun is fillus
Suus su pópulu de Deus. Bolit nai chi Issa intendit de abbarrai Vírgini: e de fatu
iscieus chi cun votu irrevocàbbili cunsagrat a Deus sa Virginidadi Sua. E po cussu
candu s’Arcàngiulu Gabrieli mandau de Deus dhi at a nai ch’Issa at a dèpiri èssiri
Mamma e donai a luxi unu Fillu, comenti, at a respòndiri, comenti s’at a pòdiri fai
custu già chi dèu non potzu pigai maridu? (Luc. 1.34). Scit Issa meda bèni chi su
stadu Virginali portendi po necessària conseguéntzia s’isterilidadi, no est apretziau
in su pópulu Suu; est reputau antzis comenti una infàmia, coment’e unu opróbbriu.
Ma Issa non mirat a custu, si fait superiori a is ideas comunis: abbratzat cun plena
voluntadi s’opróbbriu e s’infàmia de is féminas istérilis, e ascurtendu solamenti s’interna
ispiratzioni chi a Deus dha portat, a Issu solu bollit plàxiri, a issu solu consagrat
immediatamenti s’ànima e su corpus Suu; e imparat a nosàterus chi candu si tratat de
277