Is Pregadorias antigas: su signo de sa devozioni - Provincia del ...

Comune di Gonnosfanàdiga
poita non poneis alcunu ritardu a perfetzionai is òperas bostas candu est su momentu
prus oportunamenti nosi narant is santus de bosu etotu illuminaus:
Nescit tarda malimina spiritus sancti gratia bosta (Ambrog.)
Deus nostu, o cristianus chi de dí in dí difereus de si arrèndiri a is bostas ispiratzionis
e salutaris operatzionis, o Santu Ispíritu? Bosu mi narais chi depu reprímiri sa supérbia
insumma totus is passionis mias; e dèu rispundu: Si, dh’apu a fai, dh’apu a fai, ma
candu? In su mentras cussa dí non benit: e sa vida mia bandat sèmpiri acostandusí a
s’inferru. O Ispíritu potentíssimu fortzai bosu bosi pregaus custa titubbanti reblalta
[?] voluntadi nosta.
Pater, tre Ave e Gloria
Oratzioni a Maria Immaculada
Puríssima Vírgini Maria! Dèu adoru su celesti misteriosu isposalítziu, cun su cali s’Ispíritu
Santu declarandusí isposu fintzas de s’eternidadi, si fait vera isposa sua in su tempus.
Ammiru cun meravíglia e ispantu, s’abbissu de grandesa prus che umana, a sa cali
custu títulu gloriosu si elevat. E intendu chi bosu non seis benia isposa solamenti insaras,
candu s’Ispíritu santu est supravénniu in bosu po cumpliri s’incarnatzioni de su
Verbu, ma de su primu instanti de s’èssiri bostu. Poita cumbenendu, chi bosu cuntzebessis
ispiritualmenti su Verbu eternu innantis de dhu cuntzebiri corporalmenti, dh’estis
cuntzebiu in su coru bostu, prevénnia de s’Ispíritu Santu, fintzas de cudhu primu instanti.
Dhu cuntzebistis cun sa fidi sa prus viva, cumprendusí cun sa prus firma isperantza,
adorendusidhu cun sa prus intensa caridadi. Fintzas de cussu primu instanti duncas bosu
seis benia isposa. Immoi, est prus che beru, chi s’isposa est inferiori a s’isposu: ma tenit
cun issu medas tratus de uguagliantza e tali íntima unioni, chi sunt duus in d-unu solu.
S’Ispíritu Santu bosi fait totu sua e casi si deíficat. Issu est in bosu e bosu in issu, in modu
tanti ecelsu chi seis casi una própria cosa cun issu. Aici issu si preparat, fintzas de su
primu instanti, a cuntzebiri corporalmenti cudhu chi est sa spetatzioni de is óminis.
Sa glória de Israele, su suspirau de is natzionis, su Verbu eternu. Oh isposa! Oh
abbissu de santidadi, de dignidadi de glória! Oh cantu seis allargu o Maria fintzas de
s’idea de corrutzioni de su pecau! O seus nosàterus, chi po disgràtzia nosta si feus
amigu su pecau, sa própria corrutzioni? Ma a bosu, o Podentíssima Maria, atirainosí
a bosu interamenti, e po mesu bostu interamenti a Deus.
Pater, tre Ave e Gloria
Sétima di
Sa primogénita de su babbu, sa mamma de su Fillu unigénitu, s’isposa de s’Ispíritu
Santu, Maria, depiat cumpàrriri a su mundu bincidora de s’inferru e de totus is infernalis
crésias, e tali veramenti fiat cumparta. Non solamenti depit prodúsiri de su
virginali sinu suu su beneditu frutu Gesugristu, cun su cali si depint riparai totus is
dannus, causaus de s’antiga Eva, po sa maligna sedutzioni de s’infernali serpenti. Ma
issa etotu depit èssiri inimiga contrària a s’inferru fintzas de su printzípiu, e tali nimiga,
chi non solu siat animada de ódiu summu contra de is òperas infernalis, ma contra
de sa própria poténtzia infernali, chi est su dimóniu; a su puntu de dhu bínciri e ripor-
145