Is Pregadorias antigas: su signo de sa devozioni - Provincia del ...

Comune di Gonnosfanàdiga
Via Crucis 213
Oratzioni preparatória
Ècumi, o Gesús miu, in su viàgiu dolorosu chi Bosu eis fatu a su calvàriu, portendu su
gravíssimu pesu de is pecaus nostus, po dhus espiai cun sa gruxi. Deh, po su sànguini
bostu divinu perdonaimí is pecaus de is calis mi pentu de totu coru promitendu cun sa
divina gràtzia de non torrai a pecai mai prus.
Addolorada Maria, dèu a esemplu Bostu, intraprendu custu santu esercítziu po ndi
aplicai is indulgéntzias in sufràgiu de is beneditas ànimas de su Purgatóriu, po is calis
bosi súplicu de implorai214 cun mei sa clementza e misericórdia215 infinita de su divinu
Fillu Bostu Gesús.
Miserere nostri Domine, miserere nostri.
I Statzioni
Adoramus te, Christe, et benedicimus tibi
Quia per sanctam crucem tuam redemisti mundum
Gesús cundennau a morti
Innotzentíssimu Gesús, dèu biu unu pópulu immensu rivólgiu a Bosu, chi de un’ímpiu
giugi seis cundennau a morti. Deh! Rei de sa glória po cudha rassegnatzioni, cun
sa cali eis inténdiu pronuntziai contra de bosu s’esecranda sententza, 216 [libberai?] de
su fogu de su Purgatóriu is217 [is ànimas?] de is fielis defuntus e signalendu cun su
camminu Bostu sa sententza de su riscatu218 ? a is Àngelus Santus de dhas libberai de
is penas insorus po dhas condúsiri a sa glória de su Paradisu.
Pater Ave Requiem
Miserere nostri, Domine, miserere nostri
II Statzioni
Adoramus te, Christe, et benedicimus tibi
Quia per sanctam crucem tuam redemisti mundum
Gesús carrigau de sa gruxi
Bosu, o Gesús miu, eis portau cun rassignatzioni po totu sa bia de su Calvàriu, cudha
Gruxi aundi depestis consumai sa vida Bosta e confúndiri s’inferru. Deh! Spieghit
s’Arcàngelu S. Micheli custu vessillu de redentzioni asuba de su Purgatóriu, e libberadas
custas ànimas de custas penas atrocis dhas condusat a cudha felitzi pàtria promítia
a su fieli Abramu e a totu sa pos219 [posteridadi?]
Pater Ave Requiem
Miserere nostri, Domine, miserere nostri
173