Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
2) De bellesa singulari
Ti at donau su Segnori
E po un’ecessu de amori
E donu particulari,
De gràtzias casi unu mari
Ti at fatu e prodigiosa.
Dona...
3) De sa prus pitica edadi
A Gesús cun puru amori
Dhi sacríficas su flori
Lillu de virginidadi,
Cun afetu e caridadi
Allirga e meda gustosa.
Dona...
4) Po èssiri imitadora
A s’isposu tuu sagradu,
A is pòburus as donadu
Bènis e prendas ancora
Sentza èssiri Tui Segnora
De sa prus mínima cosa.
Dona...
5) Custu spóliu volontàriu
Ti at móviu gherra forti
E apressadu sa morti
A istàntzias de s’aversàriu
Chi si creiat temeràriu
Tènniri a Tui po isposa.
Dona...
6) De Pascàsiu Presidenti
Ses istétia cundennada
A èssiri luegu portada
A domu de infami genti;
Ma Deus ti fai potenti,
Immóbbili e poderosa.
Dona...
7) De fogu ardenti ingiriada
Ti bis e Tui portentosa
Cantas allirga e gososa
E de issu non ses tocada;
Ti trapassant un’ispada
In su tzugu meda furiosa.
Dona...
8) Aici etotu trapassada
Arricis s’Eucarestia
E predixis s’allegria
E sa paxi suspirada,
Luegu ses ispirada
Filitzi e meda diciosa.
Dona...
9) Ses colunna meda forti
De sa fidi e de puresa,
Chi no at pótziu sa fieresa
De is turmentus, ne sa morti
Faidí cambiai de sorti,
O Santa vitoriosa.
Dona...
10) Ispetziali protetora
De sa vista corporali,
Prega a Deus po su mali
Chi cun is ogus ancora
Si commitit a dogn’ora,
E destruit dogna cosa.
Dona...
343
Gòcius po Nosta Sennora de s’arrosàriu
de S. Gavinu Monreali 407
Dhus cantànt in Santuéngiu in su tempus
de Paschixedha totus is cunfrarias disponendisí
a giru me in sa barandíllia:
In is celus sublimada
ses reina imperadora,
mamma de gràtzia lamada
de su Rosàriu Sinniora.
Bosi pregaus cun firmesa
totu custa cunfraria,
alcantzainosí s’impresa,