Is Pregadorias antigas: su signo de sa devozioni - Provincia del ...

Comune di Siddi (Sidhi)
E candu at a èssi tocada
S’ora estrema de rigori
S’alcantza de su Signori
Una morti fortunada
Chi nos abèrgiat s’intrada
De sa pàtria gloriosa.
Miranosí...
A Santu Austinu dotori 638
Po decretu soberanu
De sa crésia risplendori,
Agustinu ses dotori
De su pópulu cristianu.
Si Tagaste est registrada
Cun fama ancora in s’istória,
Issa tenit altra glória
D’èssi pàtria tua diciosa,
Non símili illustrada
In territóriu africanu.
Agostinu...
Po èssiri rigenerau
A su fonti batesimali
Est cumandu paternali
Si non benis presentau,
Fillu de babbu ostinau
Cantu nóbbili paganu.
Agostinu...
A tanti mali reparat
Però Mama cristiana,
Is mistérius t’imparat
E su coru ti preparat
A non bivi de paganu.
Agostinu...
Ti dotat s’Onnipotenti
De talentus singularis,
S’incontrat chi no imparis
Sciéntzia dificilmenti,
Atene bit evidenti
S’ingéniu tuu sovrumanu.
Agostinu...
Conoscis cunvertisí
Babbu tuu, plenu de annus,
Lassendi tot’is ingannus
Chi t’imparaiat una dí
E morri narendudí:
“Lassa s’errori paganu!”
Agostinu...
In Milanu cun frecuéntzia
Ascurtas s’obispu Ambrosu
Chi confutat premurosu
S’eresia cun sapiéntzia,
Ma s’enérgica elocuéntzia
Ti confundit, tagastanu.
Agostinu...
Esulta, Mónica, gosa,
Lassa plantus e tristura,
Non timas prus sa sventura
De fillu tuu, piedosa,
Beni, ses vitoriosa,
Non prus est issu mundanu.
Agostinu...
Chi ti cunvertis apenas
Su corpus tuu cun vigílias
Assugetas e dh’umílias,
Castigas cun medas penas;
S’apetitu ndi refrenas
Unu ndi [?] superbu e stranu.
Agostinu...
Ti restituis in Tagasta
De prima totu diversu,
Eréticu su perversu
Innantis si ti lamasta
E de vida santa e casta
Ses católicu romanu.
Agostinu...
441