Is Pregadorias antigas: su signo de sa devozioni - Provincia del ...

Comune di Sanluri
Cudhu gosu chi tenia,
cudhu cuntentu in Betlemmi,
s’ingrata Gerusalemmi,
dh’at cunvértiu in agonia,
in custu tanta allegria
depiat bèni portai.
Is crudelis doloris mius
unu pagu cuntemprai.
In custu funti paraus
cudhus angélicus cantus,
is donus ossécujus tantus,
de tres Reis umiliaus,
totus funti cambiaus,
is penas po turmentai.
Is crudelis doloris mius
unu pagu cuntemprai.
Dogna cuntentu tenia
cun mirai solamenti
fillu tanti ubbidienti,
fillu càusa de alligria,
fillu chi sa tirannia
sola at pótziu sepultai.
Is crudelis doloris mius
unu pagu cuntemprai.
Fillu tanti malatratau,
fillu tanti perseghiu,
nara pópulu atriviu
ita dannu ti at causau:
puita ti at illuminau
tui dh’as bófiu aciotai.
Is crudelis doloris mius
unu pagu cuntemprai.
Puita issu at torrau
a is itzurpus sa vista,
puita chi a sa concuista
de is ànimas est essiu,
de púrpura dh’at bestiu
po si ndi bolli befai.
Is crudelis doloris mius
unu pagu cuntemprai.
Puita sustentu at donau
cun abbundàntzia a is famius,
puita medas cunsumius
de maladias at curau
e mortus risuscitau
morti dh’at bófiu donai.
Is crudelis doloris mius
unu pagu cuntemprai.
Mortalis chi camminais
e andais po dógnia bia,
mirai si a sa pena mia,
una uguali nd’incontrais:
si su giustu cunfessais
certu non s’at a agatai.
Is crudelis doloris mius
unu pagu cuntemprai.
Mammas chi fillus teneis
e cun premura pesais,
si afrigia mi mirais,
e su mutivu iscieis,
est giustu chi cunfesseis
ca mi potzu lamentai.
Is crudelis doloris mius
unu pagu cuntemprai.
Àngelu guardadori 431
355
Àngelu miu guardadori,
de su Rei ses imbiau, ti súplicu
cun amori chi de mei tèngiasta coidau.
Tui fadendumí sentinella e dèu narendi
oratzioni
difendimí de cautela e de pecau in
tentatzioni.
Arreinedha e Santa coronada 432
Arreinedha e Santa Coronada
in letu de batísimu si seis corcada
in letu de batísimu Bosu corcheis
custa visioni chi Bosu fadeis