Is Pregadorias antigas: su signo de sa devozioni - Provincia del ...

Comune di Sàrdara
funt is cuatru evangelistas; tres funt is tres Marias; duas funt is duas tellas de Mosè
chi luxiant a Cristu in s’ortu de Gerusalemmi candu andàt a pei narendu: Babbu, Fillu
e Ispíritu Santu, Amen; unu est su sobi prus de sa luna.
Chi ses Martinu, de is paràulas bonas mi ndi as a nai dexi.
Dexi ti ndi apu a nai, ma a innòi no nci as a intrai: dexi funt is dexi cumandamentus; noi
funt is noi paramentus; otu funt is otu donus; seti funt is seti corus, ses funt is ses cereus
chi iant allutu is galileus sa noti de cenàbara a noti; cincu funt is cincu liagas chi a Deus
funti donadas; cuatru funt is cuatru evangelistas; tres funt is tres Marias; duas funt is
duas tellas de Mosè chi luxiant a Cristu in s’ortu de Gerusalemmi candu andàt a pei
narendu: Babbu, Fillu e Ispíritu Santu, Amen; unu est su sobi prus de sa luna.
Chi ses Martinu, de is paràulas bonas mi ndi as a nai úndixi.
Úndixi ti ndi apu a nai, ma a innòi no nci as a intrai: úndixi funt is undiximilla
vérginis; dexi funt is dexi cumandamentus; noi funt is noi paramentus; otu funt is otu
donus; seti funt is seti corus, ses funt is ses cereus chi iant allutu is galileus sa noti de
cenàbara a noti; cincu funt is cincu liagas chi a Deus funti donadas; cuatru funt is
cuatru evangelistas; tres funt is tres Marias; duas funt is duas tellas de Mosè chi
luxiant a Cristu in s’ortu de Gerusalemmi candu andàt a pei narendu: Babbu, Fillu e
Ispíritu Santu, Amen; unu est su sobi prus de sa luna.
Chi ses Martinu, de is paràulas bonas mi ndi as a nai doxi.
Doxi ti ndi apu a nai, ma a innòi no nci as a intrai: doxi funt is doxi apòstulus a lutu
a faci a linci [?] postus; úndixi funt is undiximilla vérginis; dexi funt is dexi cumandamentus;
noi funt is noi paramentus; otu funt is otu donus; seti funt is seti corus, ses
funt is ses cereus chi iant allutu is galileus sa noti de cenàbara a noti; cincu funt is
cincu liagas chi a Deus funti donadas; cuatru funt is cuatru evangelistas; tres funt is
tres Marias; duas funt is duas tellas de Mosè chi luxiant a Cristu in s’ortu de Gerusalemmi
candu andàt a pei narendu: Babbu, Fillu e Ispíritu Santu, Amen; unu est su
sobi prus de sa luna.
Chi ses Martinu, de is paràulas bonas mi ndi as a nai trexi.
Trexi no est lexi, no est mundu, bai isperefundu, trexi no est lexi, no est brei, bai
tremilla passus a pabas de mei. 471
E si fut fatu sa gruxi a manu manca ca fut mellus. E andaus si ndi fiant is tiaus.
Andaus is tiaus, si fut ammaladiada s’isposa. Teniat dabori de brenti, totu is óspidis
fiant tristus e custu pòburu dh’iat pregontau:
- E ita teneis totus? Ita est sussédiu? Si ndi funt andaus is tiaus e seis de aici tristus?
S’isposa est a dabori de brenti e stait mali meda!
Mi dha fait bí? – Iat pregontau Santu Martinu.
E ita nci fais tui puru in mesu de totu cussa genti? Unu pedidori! As a istrobbai puru!
Dh’iat nau sa mamma de s’isposa.
Lessimí intrai, dha bollu bí dèu puru sa malàdia, poit èssi chi dèu potza fai calincuna cosa.
Dhu lessat intrai – iat nau un’óspidi – poit èssi chi dhi potzat donai calincunu fuedhu
de cunfortu.
Fut intrau e dh’iat pregontau a s’isposa a innoi fut chi dhi dobiat sa brenti. Cussa cun
sa manu si dh’iat ammostau.
Mi dolit de sa buca de su stògumu finsas a bàsciu, e de un’arrigu a s’atru.
381