Is Pregadorias antigas: su signo de sa devozioni - Provincia del ...

Comune di Segariu
Ses allíviu ‘e su suferenti
De partu in is duras penas,
Su presoneri in cadenas
Sciollis cun bratzu potenti,
Si acusant unu innocenti
Ti aparis po difensori.
Antoni...
Non ti bollas perturbai
Candu fatu as perdimentu,
Invoca a Antoni cuntentu,
Su pérdiu as a incontrai,
Custu non podit mancai
Si tenis fidi e fervori.
Antoni...
Àcua, terra, fogu e bentu
Ti obbidint riverentis,
Is iscurtantis ubbidientis,
Is astrus, su firmamentu,
Mula sentza intendimentu
Adorat su Creadori.
Antoni...
Non est ancora mancau
Mari de tantis portentus,
Mireus a Pàduva intentus
E a cussu templu sagrau
Chi nisciunu isconsolau
Visitat sentza de favori.
Antoni...
Giai chi immoi ses collocau
In tanti altura de glória,
Teni sèmpiri memória
De chini ti at invocau
De cussu sóliu dorau
Mirainosí cun amori.
Antoni...
Portentu de su Signori
Postu in su mundu po ispantu,
Antoni de Pàduva Santu
Siast nostru protetori.
399
Gòcius de Santu Sebbastianu màrtiri 513
O celesti tzitadinu
Po totu intertzedei,
De pesti nos difendei,
Gloriosu Sebbastianu.
Oriundu de Milanu
Nàsciu festis in Narbona
Candu s’Impériu e Corona
Regiat Diocletzianu
De Roma cun crudeli lei
Contra su Cultu Cristianu.
Po prus chi a s’Imperadori
Serbistis fedelmenti
Però prus costantementi
Amastis su Redentori.
De custu amori incendei
Dogna coru Cristianu.
De Apóstolu professioni
Pighestis in predicai
E is Cristianus esortai
A sa vera Religioni.
Cun Deus intercedei
Po totu su géneri umanu.
De Fabbianu presidenti
Luegu festis acusau,
S’Imperadori infuriau
Bos reprendit aspramenti:
Abbratzai sa falsa lei
Pretendit Diocletzianu.
Ma Bosu a Deus costanti
Commenti is pipius Caldeus
“Su veru e non falsu Deus
Adoru” dhi nais ananti,
“E in Issu firmu apu a crei
Sentza timori umanu”.
Luegu bos ant desnudau
A vista de tanti genti