Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
Atu de disígiu de su Santu Batísimu 403
E de sa renovatzioni de is votus batisimalis, de si fai in vida de dogna bonu cristianu,
po magiori siguresa e stímolu de sa própria santificatzioni
Signori miu, Deus miu, miu totu: écumi in su nienti miu, umiliau a sa divina
preséntzia Bosta. Dèu bos adoru e bosi amu cun totu su coru, e in su mellus modu
chi potzu bosi ringràtziu de mi ai fatu nàsciri po mera bondadi Bosta in su sinu de
sa Santa Crésia, Isposa Bosta immaculada; e de mi ai fatu a fillu Bostu adotivu
cun su Santu Batísimu, chi mi est istétiu cunfertu. Insaras no apu pótziu corrispúndiri
a custa grandu òpera de paternu amori Bostu cun mei: bosi corrispundu
immoi, chi in s’usu de sa rexoni mia e de sa luxi de sa fidi Bosta connòsciu e
ammiru su favori signalau chi mi eis fatu. E po cussu, non podendi arriciri de nou
realmenti su Sagramentu de sa rigeneratzioni mia a sa gràtzia e a sa glória, dh’arríciu
cun s’atu esplícitu e formali de su disígiu prus vivu e ardenti. E in prova de
sa sinceridadi e eficàcia de cust’atu, innòi, a sa preséntzia Bosta, Gesùs miu amabbilíssimu,
renovu is votus e giuramentus chi insaras bos apu fatu po mesu de is
pardinus, respundendi immoi dèu etotu a is próprias dimandas comenti mi benghessint
fatas de su sacru Ministru Bostu.
D. Creis in Deus Babbu onnipotenti, Criadori de su Celu e de sa terra?
R. Creu!
D. Creis in Gesugristu, fillu suu únicu, Deus e Ómini, mortu in sa gruxi po
salvainosí?
R. Creu!
D. Creis in s’Ispíritu Santu, sa Santa Crésia Católica, sa Comunioni de is Santus, sa
remissioni de is pecaus, sa Resurretzioni de sa carri, sa vida eterna?
R. Creu!
D. Promitis, cun s’agiudu chi isperas de Deus, de osservai sa santa Lei sua, e de amai
a Deus cun totu su coru tuu asuba de totu is cosas, e su próssimu comenti a tui etotu
po amori de Deus?
R. Promitu!
D. Renúncias a su Demóniu, a is vanidadis suas e a is òperas suas, est a nai a
su pecau?
R. Renúnciu!
D. Promitis de ti uniri a Gesugristu e sighiridhu, e de bòlliri bivi e mòrriri po Issu?
R. Promitu!
Redentori miu dulcíssimu, arrusciai Bosu cun su sànguni Bostu divinu custu
atu de sa cooperatzioni mia a sa sollicitúdini Bosta po mi salvai: rendeidhu in
custu modu acetu a sa Magestadi de su Babbu Bostu celesti, e arricheidhu de
cudhus donus, favoris e agiudus de s’Ispíritu Santu chi eis promítiu a custu
santu disígiu, a tales chi dèu biva sèmpiri coment’e dignu fillu Bostu in terra, e
depustis de sa morti mia benga a lodai is misericórdias bostas po totu s’eternidadi
in su Celu. Aici siat.
337