Scarica in PDF - Facoltà di Lettere e Filosofia

30
RITA SAIU
Deus desineret esse perirent Angeli, et tamen Angeli sunt incorruptibiles. Ex eo ergo quod lux
quotidie pereat in nostro emisphærio non bene infertur quod sit corruptibilis; nam hoc oritur
ex eo quod sol non perseueret in loco apto ad conseruandam lucem, cum circulariter moueatur
ab inteligencia.
Si afferantur aliqui textus scripturæ, ex quibus videtur colligi cœlos in die Juditij esse
destruendos, vel dic hoc praestaturum esse miriculose, ex quo non sequitur cœlos esse ab
intrinseco corruptibiles sicuti ex eo quod scriptura dicat demones et animas damnatorum
esse in æternum ab igne comburendas, non sequitur demones et animas damnatorum esse
ex natura sua combustibiles. Vel melius et iuxta nostra principia dic textus illos esse inteligendos
de renouatione accidentali aut mundi purgatione. Tamen si afferantur aliqui cometæ,
qui visi sunt supra cœlum lunae (?) ex quo videtur colligi cœlum esse corruptibile, //
[p. 20] aliqui respondent formas illarum cometarum fuisse introductas in materia de nouo
producta ad fines nobis ocultos; alij vero dicunt fuisse introducta in materia cœli per miraculum
tantum, quæ conuersio non fuit propria corruptio cœli tum non acciderit vi contrarij
et agentis naturalis. Dicite quod volueritis.
Ex dictis colliges primo cœlum non nisi á Deo esse naturaliter producibile tamquam á
causa principali; et ratio est, qua ut constat experiencia agens principale naturale creatus
non producit affectum substantiale nisi per qualitates contrarias ijs quæ sunt in passo; sed
cœlum non habet qualitates contrarias: ergo a nullo agente principali naturali creato potest
produci. Colliges secundo, quod id quod á solo Deo tamquam á causa principali potest
pendere in esse et conseruari est ab intrinseco incorruptibile, et cum cœlum á solo Deo
tamquam á causa principali possit pendere in esse et conseruari, fit quod sit ab intrinseco
incorruptibile. Et ratio est qua eo ipso quod ens a solo Deo tamquam á causa principali potest
pendere in esse et conseruari, nullam suæ desitionis habet causam intrinsecam et extrinsecam.
Non intrinsecam, qua eo ipso, quod á solo Deo tamquam a causa principali potest
pendere in esse et conseruari non habet qualitates, quæ possit destrui ab agente naturali.
Non extrinsecam, qua causa extrinsecam desitionis et corruptionis est illa, quæ potest naturaliter
vel deficere, vel producere qualitates corruptiuas et contrarias. Hinc colliges tertio
cur Angeli et anima rationalis sint ab intrinseco incorruptibiles, qua nimirum dependent á
solo Deo in esse et conseruari, et non possunt ab alio dependere, nec habent qualitates corruptibiles
requisitas ad sui existentiam. Sed contra primo
dices: quælibet forma materialis substantialis est educibilis á causa secunda principali;
sed forma cœli est materialis: ergo est educibilis á causa secunda principali: ergo falsum est
quod coelum sit producibile á solo Deo tamquam á causa principali. Disiungo maiorem:
quælibet forma materialis substantialis est educibilis á causa secunda principali, vel habet
contrarium, et sic concedo vel non habet contrarium et sic nego maiorem cum utraque consequentia:
cum agencia naturalia principalia agant substantialiter secundum quid eis inest
contrarietas, fit ut cum in cœlo non sint dispositiones habentes contrarium, á quibus possint
expeli, nec potest cœlum produci nec corrumpi ab agente creato principali. Si dicas
quod lux et quantitas sint formæ materiales incorruptibiles nullum contrarium habentes, et
tamen sunt producibiles ab agente naturali principali creato: ergo licet cœlum sit incorruptibile
et nullum habeat contrarium, a quo eius forma possit expelli, tamen cum eius forma