Alegia klasikoak euskaraz Isopeteko, La Fontaineren eta

Alegia klasikoak euskaraz
(Ozaeta, 1997a: 144). Horietatik gehienak, 44, poeta frantsesaren lehenengo sei
liburuetakoak dira; 12, berriz, bigarren bildumatik harturikoak (ibidem: 279).
Samaniegok La Fontaineri zor dizkion ezaugarriak hauek dira, Ozaetaren
aburuz: halako epikureismo bat; tonu lizuna, entziklopedia kutsukoa, garai hartan
modan zegoena; izaera pedagogikoa; bertsokera librea erabili izana…
Lehenengo edizioan ez ipini arren, aitorpen moduko ohar hau ipini ohi zuen
arabar alegialariak beste edizio askotan, hitzaurrearen ostean: “A excepción de un corto
número de argumentos sacados de Esopo, Fedro y La Fontaine, todos los asuntos
contenidos en los apólogos de los libros VI, VII y VIII, pertenecen al fabulista inglés
Gay. El libro IX es original”.
García Gualek Gayren eragin hori non atzeman daitekeen nabarmendu zuen:
“abundan más que en los anteriores [libros] las referencias culturales, aparecen otros
personajes, son más frecuentes los humanos, y ciertos temas parecen menos dedicados a
ilustrar a los jóvenes que a expresar una consideración irónica y pesimista de la
hipocresía mundana” (in Palacios, 2002: 61). Baita zenbat alegiatan atzeman daitekeen
ere: “He contado 18 fábulas inspiradas en otras tantas de Gay, entre las 33 de los tres
libros indicados” (ibidem).
Originala izateko halako ahalegin berezi bat onartu diote ikertzaileek, berak
esandakoa onetsiz. Esaterako, González de Záratek dio (1995: 19) azken alegia-liburua
dela, IX.a hain zuzen, originalena eta pertsonalena, Iriartek original terminoari eman
zion adieran.
Beste alegia batzuetan, berriz, gaztelaniazko tradizio lirikotik jaso zuen gaia.
Adibidez, “El ciudadano pastor” alegian (IX-16), trufatu egiten da artzain-generoak
hartu zuen samurkeriazko bide belaxkaz (Jareño in La Fontaine, 1969: 39).
112
Kritika
Kritikari dagokionez, ikertzaile askok alderatu dute Samaniego La
Fontainerekin, eta ondorio antzerakoak atera dituzte. Ozaetaren ustez (1997a: 277),
esaterako, Samaniegoren lana La Fontaineren alegien egokitzapen birsortzailea da.