Alegia klasikoak euskaraz Isopeteko, La Fontaineren eta

II. Alegiaren historiaz
Halaber, “Igerasoro” poeta-elkarteak 27 alegia berriaren ezaugarriak biltzen
dituen poema bat baino gehiago ondu zuen bere Kartapazioko poemak liburuan
(1998) 28 .
Bestalde, Juan Kruz Igerabidek alegia bat tartekatu zuen, Hauts bihurtu zineten
(2005) eleberriko pasarte batean: Esoporen “Orakulua eta fedegabea”, hain zuzen.
Ikerketa-ildo emankorra jorra liteke lekukotasun horietatik abiatuta; tesi honen
helburuak gainditzen ditu, ordea.
Alegia berriaren muina laburtzen dutelakoan, hona “Igerasoro” poeta-elkartearen
bertso batzuk (1998: 70):
Gizaki ehizean aritzen direnei
Ehiztariaren senak badaki jakin
gizaki bakoitzaren baitan
edozein piztia aurki dezakeela.
Kantitatez eta kalitatez, alegia ez da literatura-lekukotasun goitarra, baina, hala
eta guztiz ere, bere xalotasun, atsegingarritasun eta gertutasunarengatik, gaur egun ere,
lilura sortzen du eta zirrara eragiten.
27 Juan Kruz Igerabide eta Karlos Linazasoro.
28 Ikus bedi, esaterako, “Erbiak ez daki nork maite duen…” hasiera-bertsoa duen poema.
47