Alegia klasikoak euskaraz Isopeteko, La Fontaineren eta

VI. Euskal berridazleen alegiak
[“Belabaltza eta luki-emea” Eso 160. “Belatxinga ta belak” Eso 161. “Belatxinga
ta egaztiak” Eso 162. “Belatxinga ta usakumak” Eso 163. “Belatxinga igeslaria” Eso 164.
“Belea ta luki-emea” Eso 165. “Hermes eta belea” Eso 166. “Belea ta sugea” Eso 167.
“Belea gaixorik” Eso 168. “Larratxori gangarduna” Eso 169. “Belatxinga ta belea” Eso
170. “Belatxinga ta txakurra” Eso 171. “Marraskilloak” Eso 172. “Kisne antzartzat artua”
Eso 173. “Kisnea ta bere ugazaba” Eso 174. “Txakur biak” Eso 175. “Txakur gosetiak”
Eso 176.]
ESOPO (1990). “Esopo’ren ipuiñak”, in Cuadernos de sección. Hizkuntza eta
literatura, itzul.: Jakoba Onaindia “IGOTZ”, Zarautz: Itxaropena, 164-168.
[“Gizon txakur batek aginkatua” Eso 177. “Sukaldaria eta txakurra” Eso 178.
“Prantzes-txakurra eta beronen lagunak” Eso 179. “Txakurra, oillarra ta lukia” Eso 180.
“Txakurra eta txirlea” Eso 181. “Txakurra eta erbia” Eso 182. “Txakurra eta arakiña” Eso
183. “Txakur loak artua eta otsoa” Eso 184. “Txakurra eta gerizpea” Eso 185. “Txakurra
arranaz” Eso 186. “Txakurra leoiari jarraika” Eso 187. “Leoia eta eltxoa” Eso 188.
“Zezena eta eltxoa” Eso 189.]
VI.7.2. Juan Anjel Etxebarria Martin “DIRAUKET” (1934-1996)
Santurtzikoa, euskaldun berria, euskara irakaslea, eliza-karrera egin, eta gero
eliza utzi zuen. Euskaltzain urgazlea. Andima Ibiñagabeitiak idazle sena nabarmendu
zion: “idazle gazteen artean langileena, baita punterengoena ere”, Karakasko Eman
aldizkarian.
Kultura klasikoa ezagutzera emateko asmoarekin, Excerpta aldizkaria sortu
zuen, eta greziar eta latindar autoreen lanak argitaratu zituen bertan.
Ildo beretik, alegiak itzultzeari ekin zion hirurogeiko hamarkadan. Fedro eta
Esopo itzuli zituen euskarara, edizio elebidunetan atonduta. Fedroren hiru liburu
argitaratzeko asmoa izan zuen; bi baino ez zituen argitaratu, ordea. Hirugarrena,
zergatik ez dakigula, iragarri bai, baina ez zen plazaratu.
Fedroren lehen liburua 1965ean argitaratu zuen, “lateratik euskeratuta”.
Euskarazko bertsoak eta latinezkoak parez pare jarri zituen. Hitzaurrea, 11 alegia eta
epilogoa edo azken-hitza ditu liburuak. Alegien helburuaz jardun zuen hitzaurrean:
“Zillegizti-esparrukoak diran egiak izakien ta gizakien bidez sentiaraztea. Ta irakaslanetan
diardugun ezkero, onuraz batera atsegiña ere ematea”.
Liburu horretan itzultzaile-kontzientzia argia adierazi zuen Etxebarriak. Ordura
arteko alegia-berridazleek ez bezalako estrategiak erabili zituela utzi zigun idatzirik
313