Alegia klasikoak euskaraz Isopeteko, La Fontaineren eta

Hitzaurrea
Arbezate bada Euscaldunac (…) emaitza. edo
presente au. Gauza onic badago, esan dezatela
iñorena dela, ez nerea; oquerric badacuste,
egotzi nere gañera; berdin arteac ez du emango
sagarric.
Bizenta Mogel, Ipui onac, 1804
Psikodidaktika programako Haur eta Gazte Literaturaren ikerketa-lerroan
kokatzen da tesian landu dudan gaia.
Badira urteak Xabier Etxaniz Erlek Haur eta Gazte Literaturaren Historia idatzi
zigula (1997). Geroago, Jose Manuel López Gasenik euskarara itzulitako Haur
eta Gazte Literatura aztertu zuen (2000) eta, aurrerago, Genaro Gomez Zubiak
Grimm anaien ipuinen euskal berridazketak aztertuta landu zuen tesia (2004).
Halako batean, tesi-zuzendari izan dudanak proposatu zidan alegia klasikoen
euskal berridazketak aztertzea.
Izan ere, gaur egun estimu gutxi zaio literatura-genero txiki horri. Literatura
landuaren zale batzuek eta hezitzaile-jendeak eta, oro har, gaitzetsi ohi dituzte,
halako piezak moralistak direlako ustean edo, bestela, irakaspentxoa ekarri ohi
dutelako bukaera aldean. Hala ere, gogamenaren eztena eta sen oneko
jakituriaren gordelariak dira alegia klasikoak, bai eta, sarritan, gogoaren
sendagarri miresgarriak ere. Herri-jakintzaren gordailu zaharrenetariko bat,
azken batean.
Eta, areago, gainera, alegiagintzari, Bizenta Mogelen lumatik, eta,
horrenbestez, literatura didaktikoari, zor zaio Euskal Haur eta Gazte
Literaturaren jaiotza.
Hortaz, tesia idazteko, helburuak finkatzen hasi nintzen aurrena:
Alegia klasikoen euskal corpusa biltzea izan nuen lehenengo helburua,
hartarako Esopo, Fedro, La vida de Ysopet con sus fábulas historiadas, Jean
de La Fontaine eta Félix María Samaniego abiapuntu harturik.
Bigarren helburua, euskal egileen berridazketa-estrategiak aztertzea izan zen,
hartarako bekoz beko jarririk Ysopet, La Fontaine eta Samaniegoren sorburutestuak,
alde batetik, eta euskal berridazleen xede-testuak, bestetik, hala nola,
Bizenta Mogel, Juan Antonio Mogel, Agustin Pascual Iturriaga, Jean-Baptiste
Arxu, Martin Goyhetche, Gratien Adema, Felipe Arrese Beitia, Joseba Altuna
Aldasoro, Ramon Intzagarai, Jules Moulier, Leon Leon, Josu Egea, Jesus Mari
Mendizabal eta Koldo Bigurirenak.
Eta hirugarren helburua izan nuen euskal Haur eta Gazte Literaturaren