Alegia klasikoak euskaraz Isopeteko, La Fontaineren eta

Alegia klasikoak euskaraz
ikusirik gai politiko, sozial edo historikoekin, Adema batek, esaterako, erakutsi zuen
bezala. Bai, ordea, Ipar Euskal Herriko garaiko gizarteko pertsonaia mota jakin
batzuekin, eta herrien arteko lehia, umore eta ziriekin.
Hizkuntzaren alorrean, aske jokatu zuen Oxobik. Baina ez edonola:
adierazkortasuna landu zuen ezin gehiagoraino. Hartarako bitarteko ugari erabili zituen:
onomatopeiak, hitz hoskideak, erritmo bizia, errima aberatsa, tropoak (aliterazioa eta
paranomasia, batik bat), irudien estilizazioa… Lautu ere egin zuen testua, kontzeptu
arrotzak inausiz; baina, baita ere, testua luzatu zuen, eletsu, narrazioa biribiltzeko, dela
hasierako bertso-lerroetan pertsonaiak aurkeztuz, dela bukaeran ipuin tankera emanez.
Didaktismoak eta hartzaileak haurrak izateak bultzatu zuten Oxobi maila ilokutiboko
halako estrategiak erabiltzera.
Irakaspena ez da Oxobiren jomuga. Bizkarra erakutsi zion, oro har, alderdi
moralari, irakaspen gehienak itzuli gabe utzita. Generoaren alderdi didaktikoa, dena
dela, argumentua egoki garatuz eman zuen Oxobik. Osagai narratiboa lehenetsi zuen,
guztiaren gainetik.
Halako bitartekoak erabiltzeak erakusten du haurrak zerabiltzala gogoan Oxobik,
alegion hartzaileak neska-mutikoak izan zitezen. Nabarmentzekoa da, alde horretatik,
Gure Herria aldizkariko “Haurren chokoa” zeritzan sailean plazaratu zirela Oxobiren
alegiak.
Emaitza bikaina da, bai lirikaren aldetik, bai narratibaren aldetik, bai eta
estetikaren eta adierazkortasunaren aldetik ere.
286
VI.6.10. Pierre Lanouguerre “Pette Zibero” (1896-1945)
Irakasle izendatu zuten Mauleko Saint-François d’Assise lizeo-kolegioan.
Gure Herrian lau alegia argitaratu zituen, 1930. eta 1931. urteen artean, bertsoz,
zubereraz. Kantatzekoak zirela begi-bistakoa da, doinua egokitu baitzien («Santsin»,
«Aitak eman zerautan», «Tchorittoa nurat dua»). La Fontainerenak dira laurak 109 .
109 Eskema metodologikoan adierazi bezala, ez dut egingo autore honen testu mailako
azterketarik, bere lanak ez baititu betetzen bertan adierazitako irizpideak.