Alegia klasikoak euskaraz Isopeteko, La Fontaineren eta

Alegia klasikoak euskaraz
izenburuaren ondoan urte bat jarri zuen Bengoetxeak, itxura batean alegiak lehenengoz
argia ikusi zuenekoa 78 .
Ansorenak Euskal kantak liburuan Ademaren “Belea haragiki” alegia jaso zuen
eta iruzkin hau egin zion: “Egun oso ezaguna Iparralde osoan” (1993: 172-173).
Bukatzeko, Hiria argitaletxeak Ademaren Kanta eta neurtitza hautatuak
plazaratu du, berrikitan (2006). Bost alegia hautatu ditu Hiriart ediziogileak, Ademaren
neurtitzen artean.
230
Testu mailako azterketa
Objektuak. Zuhaitz eta gasna eman beharrean, haitz eta zitzi eman zituen.
Ematen du arbitrariotasunez egindako itzulpen-hautua dela; edo, bestela, zortziko
txikiaren neurriak eragindakoa dela:
Maître Corbeau, sur un arbre perché,
Tenait en son bec un fromage.
Lf 32
Jasan-ahalicaco
citci bat mocoan,
Belea zagon behin
Haitz baten cascoan. Ad Bel
Hurrengo adibidean, ordea, arbitrariotasuna agerikoa da, neurriari dagokionez
ondo baitzegokeen ‘sudurrera’ itzultzea:
Un gland tombe ; le nez du dormeur en pâtit.
Lf 353
Kopetara hor zaio
hezkur bat erortzen Ad Khu
Beste behin, Otsoa eman zuen tigrearen ordez (Lf 250, Ad Abe), exotikoa baita
tigrea gurean.
Sinesmenak. Jainkoa Naturaren ordez:
La Nature envers vous me semble bien injuste.
Lf 64
«Jainkoak egin gaitu
zu eta ni biak,… Ad Hai
Bestalde, kontzeptu kristau bat txertatu zion Ademak alegia berberari: handiak
eta txikiak denak dira berdinak Jainkoaren begien aurrean. Jatorrizkoak ez dakar
halakorik:
78 Aldaera horien bila ibilita, ezin izan nituen urte horiei dagozkien bertsioak eskuratu. Hori delaeta,
Bengoetxearekin berba egin nuen eta hark adierazi zidan data horiek Xarritonek eman zizkiola,
Ademaren eskuizkribuak oinarri harturik. Gainera, Lafitteren 1933ko artikuluko alegien izenburuak eta
urteak irakurrita, konturatu nintzen data horiek eta Bengoetxearenak bat datozela. Zalantzarik gabe,
Ademak bere bi eskuizkribuetan adierazitako datei dagozkie EEEren bilduman agertzen diren datak;
alegien testuak, ordea, RIEVetik atera zituen Bengoetxeak.