Alegia klasikoak euskaraz Isopeteko, La Fontaineren eta

Alegia klasikoak euskaraz
238
- Irakaspena berdin antzekoa ematea baina geopolitikaren alorrera eramatea.
Oraingo honetan, XIX. mendeko bi gertaera historikoren aipamenak gaineratu
zituen: Erromaren eta Estatu Pontifizioen zatikatzea, Italiak sustatua, eta Alsazia
eta Lorenarena, Alemaniak gauzatua:
La raison du plus fort est toujours la meilleure. Lf 44 -Azcarrac duenean
partida flacoa,
Haucia zoinena den
erran gabe doha.
Oxoac bildoxari
eguin cioena
Jainco leguetic campo
norc orai condena?
Italian, Prusian,
hori da zucena;
Bertcetan ere ascoc
eguiten dutena. Ad Bil
Ohartzeko modukoa da gertaera historiko horien aipamenak kendu egin zituela
geroko bertsioetan. Honela irakur daiteke RIEVen: “Jainkorikan ez balitz, / nork
liro kondena! / Jainko legetik kanpo / zertan da zuzena? / Galde zazu indarrez /
zoin den nausi dena”.
- Irakaspenen kutsu soziala areagotzea. Adibide honetan, La Fontaineren paremia
gisako irakaspenak –eta, oro har, alegiak– ez duen kutsu soziala gaineratu zion
Ademak. Gizakien mundura ekarri zuen gaia: bi giza taldez ari da, baina zaila da
esaten klase sozialez diharduen edo garai hartako talde politikoez, xuriez eta
gorriez, hain zuzen. Kontuan hartzekoa da zanpatuen taldean kokatu zuela bere
burua idazle-narratzaileak:
En toute chose il faut considérer la fin. Lf 115 Zembat bi zangotako
Acheri holako;
Guri esker baitire
Jarriak gorachko!
Eta gutarik zembat
Errekan beharko,
Ez baikaituzte handik
Heiek atherako! Ad Ach
Ordena sozialaren kritika badu, hala ere, La Fontaineren beste irakaspen honek.
Ademak nola edo hala eutsi zion eduki horri: gortea, hala ere, ez zuen hizpidera
ekarri:
Selon que vous serez puissant ou misérable,
Les jugements de Cour vous rendront blanc ou noir.
Lf 250
Munduaren artean
Ere hala hala
Sakifikatua (sic) da
Maiz jende aphala. Ad Abe