Alegia klasikoak euskaraz Isopeteko, La Fontaineren eta

Alegia klasikoak euskaraz
Ezabatu zituen, bestalde, sorburu-testuko kulturema ugari, xede-testua lautu eta
leuntzearren, alegiak haur irakurleentzat onargarri izan zitezen. Izan ere, irakurgai goxo
eta atseginak eskaini nahi zituen, irakurleek erraz irakur zitzaten.
Alderdi moralari dagokionez, eutsi zion, oro har, irakaspenen mezuari: irakaspen
gehienak berdin-berdin eman zituen, edota, bestela, berdin antzeko mezua eman zuen.
Dena dela, zenbaitetan desbideratu egin zen Leon jatorrizkotik, mezuko kulturemak eta
mezuaren kutsu politikoa ezezagunak edo urrunak zirelako xede-kulturan, eta euskal
kulturemak eta esaldi proberbialak eman zituen halakoen ordez, irakaspena irakurlearen
erreferentzia-mundura hurbiltzeko.
Antzeko jokabidea erakutsi zuen Leonek esaldi proberbial edo paremiei
dagokienez. Inoiz frantsesez halakorik ez dagoenean ere eman zuen euskal esaera
zaharren bat: alegiok herriak erabiltzen dituen hitzez eta esaldiz koloreztatzeko. Alegion
hartzailea, haurrak ez ezik, herri xehea ere izan zedin.
302
VI.6.13. Pierre Duni-Pétré “HEGITOA” (1914-2005)
Donibane Garazikoa. Filosofian lizentziaduna. Euskaltzain urgazlea. Frantses
administrazioko langilea. “Garaziko Manex” goitizena ere erabili zuen.
Alegietako gaiak harturik, bere erara moldatu zituen bost gai. Aldizkaritan
plazaratu zituen: Gure Herria, Gure Almanaka eta Herrian. Hibridoak dira hiru; La
Fontainerena, beste bat; beste iturriren batekoa, berriz, “Zakurra eta axeria” alegia 123 .
Euskaratzailea Lanak Noiz Alegiak:
zenbat, nola
Pierre Duni-Pétré Gure Herria 1959-1975 3 hn
“HEGITOA” Gure Almanaka 1963 1 nh
Herria 1982 1 hn
Iturriak
1 Lf
3 hibri
DUNI-PÉTRÉ, Pierre (1959). “Astoa eta zerria”, Gure Herria, 2. zka., 79-80. hibri
DUNI-PÉTRÉ, Pierre (1963). “Sagia behitegian” (sic), Gure Almanaka, 44-45. hibri
DUNI-PÉTRÉ, Pierre (1974). “Gatia eta axeria”, Gure Herria, 4. zka., 223-224. Lf IX-9
DUNI-PÉTRÉ, Pierre (1975). “Xerria basurdetu nahia”, Gure Herria, 3. zka., 183-184.
hibri
123 Eskema metodologikoan adierazi bezala, ez dut egingo autore honen testu mailako
azterketarik, bere lanak ez baititu betetzen bertan adierazitako irizpideak.