Alegia klasikoak euskaraz Isopeteko, La Fontaineren eta

Alegia klasikoak euskaraz
268
- Beste batzuetan, berriz, zertxobait aldendu zen jatorrizkotik. Harroen aurka
dihardu euskal bertsioak; jatorrizkoak ez du hain esplizitu aipatzen halako
jokaerarik:
Para que así escarmiente
Quien desprecia el consejo del prudente. Sam 120
Aŕo izatea non nai txaŕa da, besteren etxean
txaŕago. In 78
Ezberdina eta tokiz aldatua; hasieran baitago jatorrizkoan. Intzagaraik berea
sortu zuen, alegiari amaiera emateko:
Procure ser en todo lo posible,
El que ha de reprender, irreprensible. Sam 201
Zakuŕ batek, bestea aguro ezagutu oi du. In 84
Hau ere desbideratzen da jatorrizkotik. Izan ere, zilegi uzten du Samaniegoren
irakaspenak amarruez baliatzea estutasunetik irteteko. Euskal bertsioan ez dago
tokirik aldakorrentzat ezta iruzurgileentzat ere. Jende arteza balioesten da,
ondorioz, modu moralistagoan:
Aquí aprendió de Esopo
La gente marinera,
Murciélagos que fingen
Pasaporte y bandera.
No importa que haya pocos
Ingleses comadrejas;
Tal vez puede de un riesgo
Sacarnos una treta. Sam 193
Ondo jaŕiya dago ipui au. Gaur txuri ta bigar
beltz azaltzen diranentzat. In 76
Adibide honetan, jatorrizkoan argiago adierazten da gizartearen moral bikoitza;
euskal bertsioan, irakurleak inferitu behar du ipuineko gertaeretatik zein diren
gaitzesgarri:
Te juzgarán virtuoso,
Si eres, aunque perverso, poderoso;
Y aunque bueno, por malo detestable,
Cuando te miran pobre y miserable.
Esto hallará en la corte quien la vea
Y aún en el mundo todo. ¡Pobre Astrea! Sam 100
Amaika bider, gizartean gertatzen dana. In 75
Poesia berridazteko moduak. Alegiok prosaz ondu zituen eta, Intzagaraik ez
zuen kontuan hartu jatorrizko testuaren forma. Bai, ordea, eduki semantikoa, oro har.
Modu organikoa erabili zuen Samaniegoren testua itzultzeko.
Ondorioak
Jatorrizkoaren aldean, oso berdintsuak dira Intzagarairen alegiak hari
narratiboari eta irakaspenen mezu moralei dagokienez. Ez hainbeste, ordea, xehetasunei
dagokienez.