Alegia klasikoak euskaraz Isopeteko, La Fontaineren eta

Alegia klasikoak euskaraz
bi)”. 1001 gauakeko narrazio-ereduari jarraikiz egina dago liburua. Hortaz, narrazio
nagusiaren barruan sarturiko kontakizun autonomoak dira sei alegi horiek, gainerako
ipuin, kanta eta literatur aleekin batera.
Haurrock eta Gomitak musika-taldeek alegiak argitaratu zituzten CD batean,
ordura arte erabili gabeko formatu batean, hain zuzen. Alegiak-Fables-Fábulas izan
zuen CDak izena. CDko paratestuek ohartzen gaituzte “Jean de La Fontaine frantses
idazlearen arabera”-ko 16 alegia daudela euskaraz 149 . Euskaratzaile klasikoen alegiak
ageri dira (Archu, Adema, Moulier, Leon), laburtuak zenbaitetan. Eta baita egungo
euskaratzaileenak ere (Daniel Landart eta Arantxa Hirigoien).
Markeliñe antzerki taldeak Txitxarra eta inurria lana estreinatu zuen 2006ko
abenduan Bilboko Euskalduna jauregian. La Fontaineren “La Cigale et la Fourmi” hartu
zuen taldeak abiapuntu baina beste ikuspegi bat jorratu zuten. Markeliñek inurri
zikoitzaren eta txitxar eskuzabalaren figurak jorratu zituen. Edertasuna bilatzea, uneanunean
gozatzea eta lasaitzea janaria biltzea bezain interesgarria eta beharrezkoa dela
irakasten du txitxarrak. Markeliñe taldeko Joxerra Martinez zuzendariaren esanetan,
“guk erakusten dugu aurreztea ona dela, baina zikoizkeria txarra. Eta txitxarrari zentzu
positiboa ematen diogu, txitxarra ez baita alfer hutsa, ez da ezer egin gabe bazterren
batean etzanda dagoen norbait; dibertitu egiten da, besteei erakutsi egiten die eta inurriei
janaria eskaintzen die” (Gara, 2007, urtarrilak 4, 44). Jasotzaileari buruz zera diosku
zuzendariak: “antzerkia planteatzen dugu helduentzat balitz bezala”.
Xabier Susperregik alegia-bilduma oparoa (330 alegia inguru) argitaratu zuen
2008an, Oiartzungo Udalaren babespean, Behin batean… alegia izenburupean. Tradizio
guztiak ekarri zituen bildumara: Euskal Herriko alegiak (ahozko tradiziokoak, euskal
alegialarienak, hala nola Samaniego, Ibáñez de la Rentería, Pisón y Vargas, Govantes,
Xerika, Artola, Archu, B. Mogel, Oxobi… eta egilearenak berarenak), idazle klasikoen
alegiak (Esopo, Fedro, Aviano, La Fontaine, Gay, Lessing, Florian…) eta mundu
zabaleko alegiak (Asia, Europa, Amerika eta Afrikakoak). Hitzaurrean hartzaile bikoitza
149 “Lehoia eta Garratoia” (Daniel Landart), “Belea eta Axeria” (Jules Moulier), “Haritza eta
Kanabera” (Arantxa Hirigoien), “Axeria eta Mahatsa” (A. Hirigoien), “Usoa eta Xinaurria” (A.
Hirigoien), “Mendia haur-minetan” (J. B. Archu), “Laborari aita-semeak” (L. Leon), “Bi ahuntzak” (A.
Hirigoien), “Otsoa eta Bildotsa” (D. Landart), “Igela eta Idia” (D. Landart), “Hititar garratoia eta larretar
garratoia” (D. Landart), “Ttirritta eta Xinaurria” (D. Landart), “Erbia eta Dortoka” (D. Landart), “Belea
haragiki” (Gratian Adema), “Mandoaren espantuak” (J. Moulier), “Emazteak eta seregetua” (A.
Hirigoien).
368