san carlo 2 bassa bresciana.qxd - Brixia Sacra

BASSA CENTRALE
Porzano, San Martino
[a. Acta visitationis, ff. 174r-v;
Brescia, XL, ff. 442r-v]
[b. Decreta particularia, ff. 127r-v;
Brescia, XXVII, ff. 68v-69v]
[a. CHIESA PARROCCHIALE DI SAN MARTINO DI PORZANO]
[f. 174r] 1580 die lune septimo mensis martii
Visitavit et caetera ecclesiam parochialem Sancti Martini loci Porciani et
intra eius fines scholas et oratoria infrascripta. Est consecrata, Sanctissimum
Sacramentum non asservatur ob tenuitatem benefitii et loci paupertatem.
Reliquiae nonnulle adsunt in loculo sub iccona. Baptisterium non est
ad formam et loco incongruo situm. Altaria quinque habet, videlicet altare
maius, altare Sancti Antonii cum onere missae quottidianae, ad quod tenetur
dominus Camillus et Alexander de Locaronibus ex relicto quondam
domini Alfonsi de Locaronibus rogato per dominum Patinum Bobbum de
anno 1566, qui ab annis duodecim citra non satisfecere; altaria reliqua indotata
sunt. Sacristia. Cimiterium est [f. 174v] septum in quo fit transitus ad
domos parochiales. Domus parochialis cum viridario est annexa ecclesiae.
Redditus huius ecclesiae sunt librarum centum vel circa. Curatus titularis
est praesbiter Iacobus de Zanolis brixiensis, aetatis annorum 29, legitime
docuit de titulo et ordinibus, habitat in domibus parochialibus, non est
aptus ad confessiones audiendas. Clericus non adest. Animae huius curae
sunt 300 ex quibus 200 sanctam Eucharistiam sumunt.
Schola Doctrinae christianae non exercetur. Schola Sanctissimi Sacramenti
a paucis annis citra instituta, regulas habet non comprobatas; descripti in ea
sunt scolares 60. Regitur a massario et duobus sindicis. Redditus nullos habet
praeter eleemosinas quae expenduntur in cereos et oleum pro lampade.
Oratorium Sancti Georgii campestre, altare habet diruptum; annexa est
petia terrae quae possidetur a reverendo Cavallo canonico Brixiae qui dicitur
convertere fructus in reparationem ecclesiae. In eo non celebratur.
Oratorium Sancti Rochi aptum, altare habet absque redditu, in eo non
celebratur.
43