san carlo 2 bassa bresciana.qxd - Brixia Sacra

BASSA ORIENTALE
nendi ematur, quod sit ad praescriptum instructionum. Baptisterium communitas
transferat in capellam Sancti Rochi, et clathris claudat capellam, et
ostium remaneat pro baptizando. Vascula oleorum sacrorum in ciborio
baptisterii asserventur. [f. 197r] Murus post altare destruatur, et altare
maius iuxta murum posteriorem ad formam transferatur spatio cubiti
unius cum dimidio interiecto.
Capella maior sepiatur muro ab utroque latere, videlicet a parte meridionali,
a columna usque ad parietem posteriorem relicto ostio, ex quo pateat
aditus in sacristiolam post altare Sancti *** a parte vero septentrionali a
columna usque ad angulum campanilis, ubi nunc est balaustrum ligneum,
qui murus alte construatur usque sub arcu. Altare Sancti *** sepiatur etiam
muro a parte meridionali versus navim. Capellae hae tres clathra ferrea
muniantur a parte anteriori in ingressu earum singularum. Altaria tria in
navi meridionali demoliantur infra triduum omnino, interim satisfiat eorum
oneribus, et aliis ecclesiae altaribus licebit autem eorum singulorum loco
nitias seu capellas construi, quae a pariete ecclesiae proemineant. Communitas
infra tres menses omnino columellis marmoreis et longuriis quadratis
sepiat ac dividat a platea publica coemiterium, quod est in facie ecclesiae.
Aedificium ecclesiae inchoatum perficiatur, quod illustrissimi domini
pietati ac religioni praecipue commendatur. Sacerdos, qui a communitate
est eligendus ex legato relicto, intersit divinis officiis, et missae conventuali
iuxta voluntatem testatoris. Confessionalia tria ad formam conficiantur.
Tollantur duo deposita, quae sunt in ecclesia infra octo dies a proximioribus
agnatis, quemadmodum etiam illustrissimi visitatori promiserunt, quae
si termino eo elapso sublata non fuerint, parochus non permittat ut in
ecclesia celebretur. [f. 197v] Ducatur murus ab angulo posteriori meridionali
capellae novae recta linea usque ad angulum meridionalem loci Disciplinatorum
separet, in eoque muro fiat ianua cum valvis pro processionibus.
Fiat ostium in angulo septentrionali extra sacristiam novam, ex quo
pateat aditus a coemiterio magno in coemiterium parvum et valvis muniatur,
quae non aperiantur nisi pro processionibus.
Ostium, ex quo a coemiterio parvo in viam publicam aditus patet, muro
obstruatur. Fenestrae ecclesiae reconcinentur, apponanturque eis clathrae
ferrae. Haec omnia praestet communitas infra sex menses. Fenestrae supra
coemiterium a suis dominis muro obstruantur, vel clathris ferreis muniantur.
Porta, quae a domo laicali ad coemiterium aditum praebet, infra men-
251