san carlo 2 bassa bresciana.qxd - Brixia Sacra

BASSA ORIENTALE
Casalpoglio, San Lorenzo
[a. Acta visitationis, ff. 229v-230r;
Brescia, XXVIII, ff. 31r-v; XL, ff. 48r-49r]
[b. Decreta particularia, ff. 203r-204r;
Brescia, XXVII, ff. 224r-v; XXIX, ff. 25r-v]
[a. CHIESA PARROCCHIALE DI SAN LORENZO DI CASALPOGLIO]
[f. 229v] Die 22 martii praesenti[s] anni
Visitavit ecclesiam parochialem Sancti Laurentii loci Casalispodii et deinde
infrascriptum oratorium et scholam Sanctissimi Sacramenti, quae quidem
ecclesia consecrata est, eius forma angusta et sine aliquo ornatu. In ea Sanctissimum
Sacramentum ut plurimum non asservatur [f. 230r] nisi cum eleemosyna
suppetunt pro oleo.
Lampades, tabernaculum et pixidis potius indecentiam quam decorem
prasefert. Baptisterium incongruum rimulas etiam habet. Altaria tria
adsunt, videlicet altare maius, altare Sanctissimi Sacramenti cum schola sub
eodem titulo sine aliqua dotatione. Coemiterium est saepe clausum. Sacristia
adest sed angusta. Domus parochiales sunt ecclesiae annexae. Fabrica
ecclesiae est sine redditu et contributione.
Redditus parochiales in anno librarum 200 vel circa. Rector amovibilis
est reverendus Petrus Raveranus loci Casalismaiori annorum 46, sacerdos,
qui docuit legitime de eius ordinibus et facultate oeconomatus huius ecclesiae.
Non habet aliquod beneficium, est scientia tolerabilis et habitat in
domibus parochialibus sine clerico. Animae sunt circiter 170, quae ex iis
sacram communionem sumunt sunt 110. Schola Doctrinae christanae frigide
exercetur.
Schola Sanctissimi Sacramenti antiquitus instituta, ut dicitur, in eadem
ecclesia sine regulis. Regitur a massario et sindico, qui massarius non mutatur
ad praescriptum. Nullos redditus habet, sed tantum eleemosynas ex
quibus celebratur missa prima dominica cuiuslibet mensis et die sequenti
officium pro mortuis. Computa singulo anno dantur rectori. Fuit visitata a
visitatoribus reverendissimi ordinarii.
289