san carlo 2 bassa bresciana.qxd - Brixia Sacra

BRIXIA SACRA
qui functiones suas in hac eadem ecclesia exercent. Qui clerici sunt infrascripti,
videlicet Ioannes Iacobus Savius de Aquanigra, annorum 25, diaconus
qui docuit legitime de eius ordi- [f. 243r] nibus, Franciscus Tenchus de
Aquanigra annorum 27, diaconus qui docuit de ordinibus 1 , Ioannes Antonius
Ciranus de Medulis, annorum 22, acolitus, qui docuit de ordinibus,
Iacobus Bertazolus de Aquanigra, annorum 17, acolitus, qui docuit tantum
de prima tonsura et ostiariatu, Baptista Meilonus de Aquanigra, annorum
18, ostiarius, qui docuit de prima tonsura et ostiariatu. Praedicti omnes
functiones ordinum exercent in dicta ecclesia Sancti Thomae et de eorum
moribus et idoneitate bene audit. Animae sunt circiter 2363 ex iis sacram
communionem sumunt 1400. Schola Doctrinae christianae exercetur.
Confraternitas Sanctissimi Sacramenti antiquitus in ecclesia abbatiali et
curata praedicta cepta est. Non habet regulas approbatas. Regitur a massario,
duobus sindicis, duobus pauperum visitatoribus, duabus visitatricis et
sindico; mutantur ad praescriptum. Redditus annui sunt L. 93 ex quibus in
quinta feria primae 2 hebdomadae cuiuslibet mensis missa conventualis ex
scholae instituto et duodecim officia pro mortuis quotannis ex obligatione,
ut dicitur, celebrantur. Cereus pasqualis emitur. Reliquum dictorum redituum
expenditur in elemosynis, qui pauperibus erogantur. Suputationes
rationum administrationis quotannis fiunt cum interventu vicarii perpetui.
Fuit visitata de anno 1566 a reverendissimo ordinario.
Oratorium Sancti Rochi
Situm in loco Aquaenigrae et extructum ex elemosinis. Non est consecratum.
In eo sunt tria altaria sine dote. In altari maiori celebratur semel in
hebdomada ex devotione domini Hieronymi Rizzardelli.
Oratorium Sancti Petri campestre. Extra oppidum Aquaenigrae per
medium miliare. Non consecratum. Habet unicum altare in quo celebratur
aliqu[and]o ex devotione. Nullos redditus habet.
Ecclesia seu oratorium Sanctae Mariae Disciplinatorum non consecrata,
inornata est. [f. 243v] Sita in oppido predicto Aquaenigrae, habet aliud oratorium
superius in quo confratres conveniunt ad orandum. In ea unicum
altare, in quo est legatum ducatorum triginta quinque semel tantum, relictum
a quondam domino Francisco Sotio cum onere celebrandi in prima
358