san carlo 2 bassa bresciana.qxd - Brixia Sacra

BASSA ORIENTALE
toriae in territorio Montis Clari in regione viae Brixiae seu Valletae, cui coheret
a sero et meridie via scholae Corporis Christi ut ex informationibus
assumptis constat 4 . Scholares quotidie decreta condunt sine ordinarii licentia
et approbatione, rationem administrationis non reddunt ordinario.
Ecclesia parochialis Sancti Pancratii plebs nuncupata
Est patens, indiget reparationem et aliquo ornatu, habet altare maius, tectum
imperfectum, sacristia quae supellectili caret. Redditus sunt hodie scuta 400
vel circa quae demptis scutis quinquaginta pro sustentatione archipraesbiteri
reservata sunt reverendissimo archipresbitero Corcyrensi. Privilegia ac
iura istius ecclesiae reperta fuerunt apud universitatem et homines eiusdem
loci, qui iure medio illa in manibus illustrissimi domini cardinalis visitatoris
exhibuerunt, quorum transumptus tituli depositi est penes reverendum
Delphinum episcopum brixiensem. Erat olim immunis et libera ab exactione
episcopali ex privilegio Raymondi episcopi brixiensis dictae plebi concesso
anno 1572 5 . Erat item sub protetione beati Petri ex privilegio summorum
pontificum Alexandri IIII et Iulii III. Habet ius decimandi de redditibus et
fructibus bonorum territorii Montisclari ac omnem proventum decimarum
de novalibus ut per litteras summorum pontificum [f. 215v] Alexandri IIII,
Lucii III et Urbani III in actis visitationis exhibitas clare constat. De qua
decima et iure decimandi anno 1341 archipraesbiter illius temporis investivit
universitatem et homines Montis Clari et successive annis 1370 et 1464
archipraesbiteri renovarunt dictam locationem seu investituram ad favorem
eiusdem universitatis et hominum cum pactis et conventionibus de quibus in
instrumentis in actis visitationis exhibitis. Hodie decima solvitur, sed non ad
praescriptum praedictorum privilegiorum et concessionum nec etiam locationum
et investiturae, sed illarum solutio ad quid minimum redacta est ac
illam penitus subtrahere moliuntur variis artibus.
Ecclesia Sancti Marci intra moenia castri, est penitus dirupta, nullos redditus
habet.
Ecclesia Sancti Rochi extra portam praedicti oppidi, est patens, indiget
pavimento, habet tum altare maius sed non ad formam. Sacristia non est
perfecta. Indumentis sacris et aliis rebus quae ad ornatum altaris pertinent,
caret. Claves asservantur apud laicas personas. Liber rationum eleemosina-
211