san carlo 2 bassa bresciana.qxd - Brixia Sacra

BRIXIA SACRA
reliquiis. Ostium laterale quod ducit in domus abbatiae, omnino obstruatur
intra tres dies. In posterum super ecclesia non fiat horreum, nec retineantur
bladae cuiusvis generis abbatiae, seu aliarum personarum sub poena excomunicationis,
neque pateat aditus colonis, conductoribusve abbatiae, sed
obstruatur, sintque ea loca usui oratorii alicui piae confraternitati.
Altare maius propius chorum reportetur, ut commode 1 missa conventualis
celebrari queat. Provideatur de mensa lapidea ad mensuram altaris
pro dicto altari consecrando. Capella maior sepiatur clathris ferreis impensis
communitatis intra quatuor menses. Altare item Corporis Christi
clathris ferreis cingatur, elevato pavimento per gradum. Missa, quae ex
instituto societatis celebrari solet in tertia dominica cuiuslibet mensis, in
futurum cantetur ad altare maius.
Haeredes quondam Iosephi de Laude construere faciant capellam iuxta
voluntatem testatoris. [f. 241r] Cum oneri celebrandi diebus dominicis, mercurii
et veneris relicto a praefato Iosepho ob tenuem nempe librarum 25 eleemosinam,
satisfieri nequeat, in posterum reducatur onus per reverendissimum
episcopum ex concilio Tridentino ad duas tantum missas feriales, quae
celebrentur per sacerdotem, cui assignentur dictae librae 25 pro mercede.
Presbiter Darius Rognia haeres quondam presbiteri Symonis, et titularis
satisfaciat oneri celebrandi omnibus dominicis, et bis in hebdomada per se vel
per substitutum ab ordinario probandum, assignata illi congrua portione, saltem
omnium fructuum videlicet librarum 54 quae, ut dicitur, debentur vigore
testamenti antedicti presbiteri Symonis. Presbiter Valerius Thomasellus titularis
capellae Sancti Hieronimi translatae ad altare Assumptionis satisfaciat
oneri celebrandi omnibus diebus festis, et quater in hebdomada per sacerdotem,
qui habeat omnes fructus plodiorum sexdecim terrae huius capellaniae.
Vicarius habeat clericum, qui in habitu et tonsura incedat, cui assignetur portio
25 scutorum in erectione, seu sententia assignationis praescripta.
Ostium, per quod est aditus ab ecclesia ad campanile, muro obstruatur
intra octo dies, et si aliud necesse fuerit, construatur in loculo ante sacristiam.
Oratorium et lavatorium construantur in loco, qui est inter sacristiam
et chorum, ita ut lavatorium pro eiusdem loci ratione orientem versus,
oratorium vero versus occidentem. Paramenta ad altaris maioris ornatum,
et ad celebrationis usum necessaria, varii coloris pro temporis varietate
comparentur ex fructibus vicariatus, ad quem huiusmodi onus spectat ex
sententia assignationis portionis auctoritate Sedis apostolicae factae.
360