san carlo 2 bassa bresciana.qxd - Brixia Sacra

BRIXIA SACRA
Rector 4 archipraesbiter est reverendus dominus Solomon de Valeriis
venetus, aetatis annorum 38, sacerdos iam annis decem citra beneficium
obtinuit per resignationem predicti reverendi domini Silvestri reservatarii
eius patroni, legitime docuit de titulo sed non de ordinibus maioribus.
Habitat in domibus parochialibus. Super nonnullis erratibus processatus ut
in filo. Celebratur hucusque semel tamen curam non exercet factumque
fuit ei praeceptum atque promissit ipse ut officium recitaret, missam celebraret,
curam animarum per se ipsum exerceret, sacramenta ministraret ad
praescriptum concili provincialis sub pena restitutionis fructuum et privationis
beneficii et quoties diebus festis non celebraret penam aureorum
duorum subiret. Coadiutor qui predicto archipraesbitero in presentia
curam animarum exercet est praesbiter Franciscus Danus brixiensis, aetatis
annorum 47 et cum annua mercede ducatorum quadraginta. Habitat in
domo paterna, legitime docuit de ordinibus quandoque operam dat agricolturae.
Coadiutor mercenarius est dominus praesbiter Ioannes Danus
frater dicti praesbiteri Francisci, aetatis annorum 35 cum annua mercede
ducatorum quadraginta qui solvuntur a reservatario, legitime docuit de
ordinibus. Habitat in domo paterna, operam dat agricolturae, processatus
de simonia super cappellania huius ecclesiae. Clericus nullus adest.
Animae huius parochiae sunt circiter 3600, quorum 2200 sacram sumunt
eucharistiam et ex quibus omnibus 1596 distant a parochiali miliaribus duobus
ac tribus in diversis vicis habitantes admodum reliqui in violatione
festorum hoc in loco et locis finitimis exercendo nundinas et mercatus.
Concubinarii sunt domini Ioannes Baptista Caprianus cum Claudia Papeta,
qui Caprianus a dicto concubinatu abstinere promissit sub pena aureorum
[f. 200v] triginta et excomunicationis in subsidium et pro eo fideiussit Marcus
de Abundiis; Iacobus Cattaneus de Turino cum appellata la Zoppa, qui
abstinere promissit sub pena aureorum 25 et excomunicationis in subsidium;
Petrus Capparinus cum Beltramina, dominus Iulius Finettus cum
Iulia de Turolotis, quibus factum fuit praeceptum quatenus sub excomunicationis
quoad viros et quoad mulieres sub pena exilii a civitate et diocesi
brixiensi abstineant omnino. Schola Doctrinae christianae exercetur.
Schola Sanctissimi Sacramenti est antiqua, de errectione non constat.
Regulas antiquas habet non tamen comprobatas, in ea descripti sunt scholares
numero 300 et cum primo describuntur et ad scholam admituntur
nescio quid solvere coguntur. Regitur a tribus sindicis, massario et servito-
158