san carlo 2 bassa bresciana.qxd - Brixia Sacra

BRIXIA SACRA
Oratorium seu ecclesia Sancti Rochi dotata a quondam fratre Petro de
Salis tertii ordinis 8 cum onere missae quottidinae et dicitur de iure patronatus
comunitatis et familiae de Salis. Annui redditus sunt scutorum triginta.
Cappellanus titularis est praesbiter Bernardinus de Salis brixiensis,
aetatis annorum 64, legitime docuit de ordinibus praeterquam de 9 prima
tonsura, dispensatus super deffectu aetatis, habitat in domo paterna. In ea
ecclesia ibidem adsunt tria altaria profana quae servantur. Sacristia adest in
parte inferiori campanilis, suppellectili sacra fere destituta.
Oratorium Sancti Georgii campestre, altare solum habet sine redditibus,
habet spatium terrae annexum et viridarium cum domuncula annexa, quae
omnia possidentur a quodam homine sub nomine heremitae absque ulla
aprobatione. In eo celebratur die eius festo tantum.
Oratorium in domo illustris comitis Ranutii de Gambara in quodam
cubiculo superiori constitutum, in quo celebratur ob comoditatem familiae
suae. Altare est ammovibile et ligneum absque bradella. Fenestrae adsunt
per quas foris stantes missam audiunt.
Oratorium scholae Disciplinatorum, unitae cum schola Confalonis [f.
205v] Romae, altare habet in quo aliquando celebratur ex devotione; sacristia
est parva. Sub campanili fenestra adest, per quam e cubiculo illustris
comitis Nicolai introspicitur in oratorium supradictum. Sunt quaedam
loca quorum pars quaedam ocupatur ab illustri comite Nicolao de Gambara
qui promissit infra duos menses restituere scholaribus. Schola est antiqua,
de errectione non constat, habet regulam non confirmatam, scholares
sunt numero 17 et gestant habitum album, comessantur invicem feria
quinta hebdomadae sanctae. Reguntur a ministro, subministro et massariis,
qui singulis annis mutantur. Nullum redditum habet praeter elleemosinas,
quae convertuntur in celebrationem missae diebus festis in cereos et
alia necessaria praedicto oratorio; computa inter eos redduntur; exhibuere
libros rationum qui visi sunt.
Oratorium Sanctae Annae in foenilibus et aedibus 10 de Breda, distans
miliaribus duobus, est 11 parvum, inornatum et vetustum; altaria quatuor
habet sine redditibus. In eo celebratur diebus festis ob comoditatem habi-
178