san carlo 2 bassa bresciana.qxd - Brixia Sacra

BASSA ORIENTALE
Mariana Mantovana, Assunzione di Maria
[a. Acta visitationis, ff. 247v-248v;
Brescia, XXVIII, ff. 68r-69v; XL, ff. 317r-320v]
[b. Decreta particularia, ff. 248r-250r;
Brescia, XXVII, ff. 139r-141r]
[a. CHIESA PARROCCHIALE DELL’ASSUNZIONE DI MARIA
DI MARIANA MANTOVANA]
[f. 247v] Die 12 aprilis suprascripti mensis et anni
Visitavit ecclesiam Sanctae Mariae Assumptionis parochialem loci Marianae
et deinde intra eius fines infrascriptas ecclesias, cappellas, oratoria,
scholas et loca pia. Quae est consecrata, angusta et inornata. In ea Sanctissimum
Sacramentum assidue asservatur cum lampade accensa impensis
curati. Baptisterium adest. Altaria quinque habet, videlicet altare maius;
altare Sancti Rochi cum schola Sanctissimi Sacramenti; altare Sanctorum
Faustini et Iovitae dotatum plodio uno terrae a quondam Angelo Romagnolo
cum onere missae unius in mense, cui satisfit per curatum; altare
Sancti Antonii ad quod est legatum ducatorum 6 in anno relictum a quondam
Alexandro Gatto cum onere celebrandi duodecim officia mortuorum
cum quattuor sacerdotibus cui oneri satisfactum est praeterquam in anno
praeterito 1 , in pium onus iminet Dominico de Gattis. Altare aliud indotatum.
Coemiterium partim parietibus, partim saepe circundatum. Domus
parochiales ecclesiae annectuntur.
Fabrica ecclesiae nullos habet redditus et ad ei contribuendum homines
dicti loci difficulter inducuntur. Redditus parochiales annuatim sunt scutorum
50 vel circa. Rector titularis est presbiter Ioseph Boccalinus loci
Aquanigrae, annorum 28, qui docuit legitime de eius ordinibus et titulo
beneficii. Scientia pro munere parochi est tolerabilis et est bonae famae.
Habitat in domibus parochialibus sine clerico. Animae sunt 700, quae ex
his sacram communionem sumunt 500. Huius populi partim est iurisdictioni
Venetorum et partim duci Mantuae subditus ideoque in conservanda
[f. 248r] ornandaque ecclesia frigidus et in divinis rebus parum intentus.
Doctrina christiana exercetur sed frigida.
385