san carlo 2 bassa bresciana.qxd - Brixia Sacra

BRIXIA SACRA
[b.] [f. 128v] In ecclesia parochiali Sancti Michaelis loci Milzanelli
Vasculum pixidis connectetur, et firmetur cum pede. Alia pixis maior infra
tres menses paretur pro communione populi. Baptisterium cum sacrario
coniunctum sit, et sepiatur ad formam termino quatuor mensium. Provideatur
de vasculis ad formam pro oleis sacris infra mensem. Altare maius cancelli
sepiatur, qui in superiori gradu cappellae figantur et gradus duo fiant in
ingressu dictae cappellae infra sex menses. Alia altaria duo lateralia in loco
angusto constructa, et quae ad formam sepiri non possunt infra triduum tollantur.
Caemiterium sepiatur, ne bestiae ingredi valeant, idque sex mensium
spacio. [f. 129r] Fiat oratorium et lavatorium in sacristia ad formam. Calix et
patena profanati, termino mensis instaurentur. Clericus idoneus semper in
habitu et tonsura incedens qui ecclesiae inserviat, manuteneatur sumptu
curati cum populo et praetensis patronis. Presbiter Bartholomeus de Ferariis
rector a celebratione divinorum et administratione curae abstineat, donec ab
ordinario facultatem obtineat, nec non fidem privilegii ducis Mantuae ordinandi
absque titulo, aut super hoc defectum legitimam dispensationem exhibuerit.
Schola doctrinae christianae exerceatur et frequentetur.
Schola Sanctissimi Sacramenti regulam ad usum communem provinciae
Mediolanensis edendam habeat et servet 1 . Rationes ad praesentiam curati
quotannis 2 recognoscantur. Populus, et familia de Ugeriis, que praetendit
habere iuspatronatus huius parochialis omni studio incumbant ad ecclesiam
suam reparandam et ornandam ac de omnibus rebus necessariis instruendam.
In oratorio campestre Sancti Michaelis
Oratorium hoc indecens ex nunc aucthoritate apostolica, si opus 3 sit, profanatur.
Destruatur vero, eiusque materies convertatur in fabricam campanilis
ecclesiae parochialis.
In oratorio Sanctae Mariae Magdalenae
Oratorium Sanctae Mariae Magdalenae clausum teneatur. Altare ad formam
reducatur et cancellis sepiatur. Res profanae asportentur et in eo amplius
non serventur. In eo non celebretur donec praedicta omnia facta erunt.
1
Corretto su habeant et servent.
2
Corretto da quottannis.
3
Segue sit cancellato.
50