san carlo 2 bassa bresciana.qxd - Brixia Sacra

BASSA ORIENTALE
[b.] [f. 242v] In ecclesia parochiali praepositurali nuncupata
Sancti Mauritii loci Rotundischi
Tabernaculum ligneum, in quo asservatur Sanctissimum Sacramentum ad
formam ampliorem, et decentiorem redigatur, cui item adhibeantur conopea
ad tegendum varii coloris pro varietate temporum. Item fiat pixis
maior ad usum sacrae communionis, et altera minor sit pro usu deferendi
Sanctissimum Sacramentum ad infirmos. Baptisterium redigatur ad formam
instructionum, et locetur in capella construenda in ingressu ecclesiae
septentrionem versus, et clathra ferrea claudenda ad praescriptam formam.
Vascula oleorum sanctorum ad formam conflata emantur intra duos menses,
et asserventur in ciborio. Vasculum vero olei infirmorum ab aliis
seiunctum sit et retineatur [f. 243r] in fenestella construnda a latere epistolae
in fronte capellae maioris.
Claudatur muro vacuum inter chorum et primam pilam a lateribus altaris
maioris, et capella maior sit aptata, claudatur etiam clathris ferreis, ad
quod altare maius tran[s]fertur confraternitas Sanctissimi Sacramenti sine
praeiudicio iurium parochialium; cuius societatis munus erit ornare dictum
altare omnibus diebus solemnibus et aliis in quibus Sanctissimum Sacramentum
super altare etiam occasione orationis 40 horarum exponitur ad
adorandum. In capella Sancti Zenonis tran[s]feratur imago, seu hicona
Beatae Mariae, quae inhaeret muro penes ostium laterale et septentrionale.
Altare ornetur ex eleemosinis, quae in dies tribuuntur. Pavimentum capellae
praedictae altius per gradum unum tollatur, et ipsa capella clathris ferreis
sepiatur. Habeat crucem, et candelabra duo auricalchi.
Capella Sanctae Mariae Nativitatis, seu Sancti Nicolai clathris ferreis
sepiatur, eiusque pavimentum altius per gradum unum extollatur. Altare ad
formam redigatur. Sepultura, quae est in ipsa capella, poenitus tollatur
intra octo dies. Ordinarius cum primum praedicta capellania vacaverit, diligenter
cognoscat secundum iuris terminos de iuribus iurispatronatus,
quod praetendunt familia de Berzis poenitus, ut dicitur, extincta, et communitas;
et quoquo modo sese res habeat ex nunc cum reverendissimi
ordinarii assensu erigitur in scholastariam, et quo etiam nullum iurispatronatus
sit familiae illi. Ex bonis et redditibus eiusdem capellae constituitur
alia portio pro uno capellano, qui exerceat ludum litterarium et in eo
doceat gratis [f. 243v] 40 scholares eiusdem loci, in quorum numero sem-
375