san carlo 2 bassa bresciana.qxd - Brixia Sacra

BASSA ORIENTALE
234v] confessiones audiant et sacramenta ministrent. Archipresbiter vero
praecipue, et in omni tempore, oneri curationis animarum per se ipsum
satisfaciat, et praesertim in verbo Dei praedicando, sacramento eucharistiae
administrando etiam infirmis, ac poenitentiae et extremae unctionis,
in dissidiis componendis, infirmisque visitandis. Unus ex curatis capellanis
semper pernoctet et extra moenia castri resideat ad usum etiam capsinarum
huic parochiali subiectarum et, si aliquando infirmorum copia exiget, duo
saltem extra moenia habitent. Capellaniae, quibus coadiuvandi onus
annexum est, et ad sanctissimum Dominum Nostrum devolutae reperiuntur,
quamprimum obtineantur canonice a capellanis mercenariis ad curam
animarum iam probatis. Personae omnes ecclesiasticae in oppido Canneti
habitantes bis in hebdomada ad congregationes conveniant, sub poenis
reverendissimi episcopi iudicio praescribendis.
Ostium ecclesiae, per quod ingressus patet in sacristiam a parte posteriori,
et aedes parochiales clausae retineantur, ne inde laicis aditus pateat in
ecclesiam per domum parochi. Quamobrem etiam ostium domus parochialis
versus ecclesiam Disciplinatorum muro obturetur. Aedes archipresbiterales
reparentur impensis ipsius archipresbiteri, qui etiam in illis commigret
infra annum, ac deinde perseveret, ut nobis promisit, sub poena amissionis
tertiae partis fructuum applicandorum restaurationi praedictarum aedium,
et crescente contumatia medietatis fructuum applicandorum, ut supra.
Archipresbiter teneat clericum suis sumptibus, qui in habitu et tonsura
incedat. Alter sit clericus, qui probatus sit a reverendissimo episcopo, et
teneatur sumptibus capellanorum tam titularium quam mercenariorum pro
rata fructuum et mercedis. [f. 235r] Alexander Morarius infra mensem legitime
doceat de solutione, et satisfactione octuaginta officiorum legati quondam
Hyppoliti eius fratris, quo termino elapso duorum mensium spatio
praestita cautione de solvendo in manibus vicarii foranei plene satisfaciat.
Vicarius foraneus pro tempore in loco Canneti maiorem adhibeat diligentiam
in festorum observatione, ac contra eorum violatores ad praescriptum
canonum et conciliorum etiam provincialium severe procedat, non obstantibus
quibuscunque etiam licentiis a quovis iudice layco impetratis, nisi canonica
et necessaria subsistente caussa scripto probanda, per ipsum duntaxat vicarium,
seu alium iudicem ecclesiasticum, ad quem dicta cognitio et caussae probatio
de iure spectat. Ne in posterum nundinae diebus festis habeantur, sed
illae in diem sequentem, seu praecedentem non simili festo occupatam reicere
401