san carlo 2 bassa bresciana.qxd - Brixia Sacra

BASSA ORIENTALE
tur, ius 22 vero instituendi spectat ad reverendissimum episcopum brixiensem
ordinarium. Habet unicum altare non solidum, in quo a rectore infrascripto
celebratur. Redditus annui sunt librarum 100. Rector titularis est
praesbiter Petrus Gazoldus loci Asulae, qui residet et est aetatis annorum
sexaginta sex. Sacristiam habet capellam annexam a latere occidentali.
Ecclesia simplex Sancti Marci in oppido Asulae non consecrata. Habet unicum
altare latericium inornatum et paramentis destitutum in quo celebratur,
ut dicitur, omnibus diebus festis impensis titularis infrascripti. In praedicta
ecclesia est clericatus seu cappellania de iurepatronatus, ut dicitur, familiae
Turchorum, cuius annui redditus sunt ducatorum 200. Rector titularis est
Hercolis Strozzius, qui quandoque ressidet. Sacristia nec paramenta adsunt.
Ecclesia Sancti Laurentii consecrata, quae est de iurepatronatus familiae
de Guarinonibus de Asula, ut dicitur. Habet unicum altare non consecratum
cum cappellania, in eo celebratur ter in hebdomada. Redditus annui
sunt librarum 100. Rector titularis est presbiter Bernardinus de Rizardis
absens, qui celebrare facit per praesbiterum Laurentium de Ravanis de
Asula, cui omnes fructuus praedictos assignavit. Qui praesbiter Laurentius
est aetatis annorum XXVII et processatus de nonnullis delictis. Sacristia
est [f. 240r] post altare, sed suppellectili fere destituta. Caemiterium habet
a latere occidentali septum parietibus.
Ecclesia Sancti Petri de Odoardis loci de Barchis inornata, in ea olim
sacra ministrabant, postea ob populi maius commodum erecta fuit ecclesia
Sanctae Mariae antescripta. Habet unicum altare non ad formam in quo
celebratur in eius solemnitate. Redditus etiam translati fuerunt ad praedictam
ecclesiam Sanctae Mariae.
Ecclesia Sancti Petri in Coelo aureo, membrum archipresbiteralis ecclesiae
de Asula, est unitum octavo canonicatui praedictae ecclesiae collegiate
Asulae, inornata et reparatione eget. Habet altare incongruum in quo non
celebratur nisi die octava Paschatis, occasione eiusdem indulgentiae et in
die eiusdem oratorii. Distat ab oppido Asulae miliaris spacio.
Ecclesia Sancti Silvestri distantem ab oppido Asulae per miliare unum.
Habet unicum altare ligneum et sub nicia ruinosa, in quo quandoque cele-
327