san carlo 2 bassa bresciana.qxd - Brixia Sacra

BRIXIA SACRA
sariis nuncupatis, qui mutantur. Habet annuos redditus scutorum 35, quae
expenduntur partim in oleum pro lampade Sanctissimi Sacramenti et in
altaris ornatum partimque in sublevando pauperum miseriam. Ratio administrationis
redditur singulis annis archipraesbitero. Fuit visitata ab ordinario
et eius vicario.
Ecclesia Sancti Sebastiani, sita est intra moenia castri eiusdem loci et bene
ornata. Habet unicum altare in quo aliquando celebratur ex devotione.
[f. 212r] Oratorium Sanctae Mariae Disciplinatorum, satis amplum et
ornatum est eiusque cura incumbit Disciplinis ex permissu archipresbiteri.
Habet tria altaria, sed in illis raro celebratur. Redditus annuos ducatorum
sex, qui impenduntur in reparationem et ornatum dicti oratorii. Ibidem
docentur puellae doctrinam christianam.
Confraternitas Disciplinatorum, instituta et erecta, ut dicitur, antiquitas
in oratorio Sanctae Mariae antedictae annexo. Non habet regulas praescriptas.
Regitur ab officialibus ab eiusdem scholaribus delectis. Nullos
redditus. Administrationis rationem reddunt singulo anno cum interventu
reverendi archipraesbiteri. Visitata fuit ab ordinario et eius vicario.
[f. 212v] Mons pietatis, situs in platea eiusdem loci Castillioni a communitate
erectus. Redditus annui sunt librarum 200, ex quibus mutuatur
pecunia pauperibus non tamen excedens summam trium ducatorum, recipiendo
pignora quae restituuntur cum pecunia mutuata redditur et hoc
sine aliqua spe lucri etiam mentali. Regitur a duobus deputatis et cuilibet
eorum pro labore constitutae sunt in mercedem librae 18 singulo anno.
Tenentur patroni infra annum luere pignora alioquin subhastatur et quod
ultra summam debiti ex pignorum subhastatione provenit patrono restituitur.
Supputationis administrationis redduntur coram archipraesbitero.
Ecclesia Sanctorum Petri et Pauli fratrum Servorum, est patens, sed eget
reparatione et ornatu et non asservatur in ea Sanctissimum Sacramentum.
Est consecrata. Habet quattuor altaria non dotata in quibus celebratur a
fratribus in monasterio ecclesiae annexo commorantibus, qui fratres residen-
[f. 213r] tes ordinarie esse debent sex duo tantum reperti sunt et pro-
202