san carlo 2 bassa bresciana.qxd - Brixia Sacra

BASSA ORIENTALE
ad missae celebrationem necessaria erunt, nec in posterum dictos redditus
et fructus, seu illorum partem, ad usum pauperorum convertant.
Administratio vero dictorum bonorum et haereditatis fructum ac electio
dicti capellani sit tantum dictorum duorum comissariorum, archipresbiteri
videlicet et sindici, qui retinebant librum in capsa in sacristia retinenda, cum
binis clavibus munita, nec deinceps communitas, seu alii quavis caussa et
praetentu audeant alium fideicomissarium eligere in locum defunctorum
contra voluntatem testatoris, nec item se ingerant in dictam administrationem,
sub poena interdicti ipso facto quo ad communitatem, quo ad particulares
homines excomunicationis latae sententiae, sed omnis poenitus auctoritas
et facultas resideat et sit apud dictos duos comissarios testamentarios
iuxta formam testamenti et ideo ordinarii munus erit singulis annis inquirere
an praedicta omnia serventur, debitaeque exequutioni mandentur, ne eiusdem
testatoris voluntas in posterum debita exequutione fraudetur. Eligant
propterea quamprimum praefati comissarii capellanum, qui quotidie celebret
et curae animarum etiam inserviat, assignata per eos congrua portione
fructuum dictorum bonorum, fructus vero qui nunc reperiunt tam exacti
quam exigendi expendantur in paramentis et ornatu dictae capellae.
[f. 195r] Ordinarius item summarie cognoscat si magister Sebastianus
Lancillotus, praetentus consanguineus unius ex fideicomissariis, sit de
linea et reperiatur a testatore vocatus et constito sibi legitime videat an
praedicta capella vindicet sibi libertatem ob lungum temporis spatium, quo
ipse et maiores sui administrationem praedictam non susceperint.
Altare Sancti Antonii, habeat suppellectilem necessariam et praesertim
crucem et candelabra, clathra etiam ferrea sepiatur impensis communitatis,
seu ex eleemosinis, quae ei tribuuntur. Altare Sancti Rochi, quod est in
ingressu ianuae septentrionem versus, transferatur in capellam, ubi de
praesenti est altare Sancti Stephani, impensis societatis Sancti Rochi, ad
quod altare communitas satisfaciat oneri celebrandi missam quotidie ex
voto anno 1579 nuncupato, cuius altaris ornatus aliis rebus necessariis in
posterum societas providere semper debebit.
Altare Corporis Christi tollatur et transferatur in capellam, seu nitiam
quae inhaeret de praesenti dicto altari meridiem versus, impensis societatis.
In posterum scholares vi oneris iniuncti a quondam Gelmino nuncupato del
Conte, teneant capellanum, qui quotidie ad praedictum altare celebret, et
coadiutor sit archipresbiteri in cura animarum exercenda, ut olim consuetu-
279