san carlo 2 bassa bresciana.qxd - Brixia Sacra

BRIXIA SACRA
munitas ad libitum. In hac ecclesia adsunt organa, quae pulsantur cum
mercede triginta scutorum, quorum medietatem sine aliqua obbligatione
solvit archipraesbiter aliamque medietatem communitas. Redditus annui
archipraesbiterales sunt scutorum 180, quae supersunt ultra [f. 250r]
disgregationem plodiorum 60 terrae pro duabus cappellis curatis sub titulo
Sancti Michaelis et Sancti Hieronymi ut supra, cum onere coadiuvandi
in cura animarum et divinis interessendi omniaque alia parochialia praestandi.
Alia dimembratio etiam facta fuit plodiorum duodecim terrae pro
alio cappellano ut in statu altaris Sanctissimi Sacramenti. Item alienata fuerunt
plodia 50 terrae in emphiteusim 8 cum recognitione scutorum 18 in
anno, ita quod bona praedictae ecclesiae a primaeva institutione habebat
plodia ducentum triginta quinque terrae. Nunc vero praebenda ipsa habet
tantum plodia centum viginti terrae quorum redditus sunt ut supra scutorum
centum octoginta. In dicta ecclesia non est ressidentia. Diebus festis
canuntur vespere et complectorium ac tertia, diebus vero feriatis vesperae
et complectorium, quibus intersunt etiam cappellani coadiutores et clerici.
Archipresbiter curatus et titularis est reverendus Ulysses de Arrivabenis
loci Canneti, annorum 39, sacerdos, qui legitime docuit de titulo beneficii
et eius ordinibus praeterquam de minoribus. Est scientia idoneus et
bonis moribus. Ressidet et habitat in domibus laycalibus quas conduxit,
ecclesiae proximis. Per se ipsum uti deberet curae munera non subit. Retinet
secum clericum sibi in divinis inservientem. Alii item clerici sunt in
hoc oppido, qui functiones suas in hac ecclesia exercent, videlicet Bartholomeus
Bossius loci Canneti, annorum 22, subdiaconus, qui legitime
docuit de eius ordinibus, Ioseph de Cesiis Canneti, annorum XIX, acolytus,
qui docuit de ordinibus, Sebastianus de Arrighinis Canneti, annorum
17, acolytus qui non docuit de ordinibus, Alexander de Sedazzariis loci
Canneti, lector, annorum 28, qui docuit de eius ordinibus, Thomas de
Festis loci Casalismauri, annorum 22, acolytus qui item docuit de ordinibus,
Alexander de Giardinis loci Volungi, annorum 22, lector, qui docuit
de ordinibus, Ioannes Baptista Gasparinus Volungi, annorum 18, lector,
non exhibuit litteras ordinum. Hi omnes clerici ordinum suorum functiones
exercent. Animae sunt 2200, quae ex his sacram communionem
sumunt 1400. Passim in praedicto loco deliquitur in violatione festarum,
exercentur nundinae diebus festis. Doctrina christiana exer- [f. 250v]
cetur sed frigide.
394