san carlo 2 bassa bresciana.qxd - Brixia Sacra

BASSA ORIENTALE
ter praepositum sese ingerat, sub poena centum scutorum ipsi consortio
applicandorum, et excomunicationis in subsidium, et nihilominus quaecunque
alii in eo consortio agent nulla sint omnino.
Reverendissimus vero episcopus quamprimum regulam praedicti Consortii,
prout horum temporum [f. 200r] usus postulat, accommodet, et in
meliorem formam reducat. Deputati huius pii loci ne redditus retineant et
cumulent, neque pro Consortii utilitate quicquam ex illis ematur, sed fructus
omnes in pios usus erogare ex loci instituto, prout infra decernetur.
Oratorium aedificent, quod inhaereat ecclesiae Sanctae Mariae Consortii.
Officiales deligantur ex confratribus descriptis tantum ab omnibus scholaribus
de societate singulis annis, qui officiales sine aliqua spe lucri officium
omni charitate et pietate exerceant.
Deligantur interea septem officiales, prior videlicet, thesaurarius, cancellarius,
duo consultores et duo visitatores. Thesaurarii curae sit exigere
aut custodire omnes fructus, proventus, seu redditus dictae societatis.
Cancellarii erit tenere librum accepti et expensi, reddituum, sumptuum et
eleemosinarum. Consultores assistent omnibus rebus gerendis et eleemosinis
erogandis, hoc eorum ac reverendi praepositi praecipuum erit munus.
Alii officiales proprium munus omni diligentia exerceant. Praedicti officiales
praestent iuramentum coram praeposito de recte et fideliter administrandis
bonis et proventibus dictae societatis Consortii ad praescriptum
Clementinae Quia contingit etc., et capitulorum dictae societatis. Habeant
congregationem semel saltem in mense in oratorio societatis nuper construendo,
inter ea vere habeatur in aedibus reverendi praepositi.
Eleemosinae erogentur tantum vere pauperibus et egentibus ac in infirmitate
con- [f. 200v] stitutis, qui tamen a duobus visitatoribus visitentur,
et cum illi eorum statum, necessitatemque renunciaverint. Reverendus
praepositus, prior et consultans eleemosinam statuant per schedulam a
reverendo praeposito ac priori subsignatam, quae thesaurario et cancellario
transmissa ipsi pauperi praescriptam solvant eleemosinam. Singulis annis
rationem reddant administrationis reverendissimo ordinario seu vicario et
alii ab eo deputando praesente reverendo praeposito. Ne in posterum sine
legitima concessione scripta bona dicte societatis Consortii alienent, seu
locent ad longius tempus quam triennium, poena nullitatis contractus et
excomunicationis ipso facto incurrendae, et privationis ab officio et societate,
et aliarum, arbitrio ordinarii infligendae, cuius visitationi, correctioni
255